Vî rôleû d’ bwès
Vos qui rabièz toute li djoûrnéye
Avau lès coches d'ène djon.ne vîréye
Ascropez-vos, vî rôleû d' bwès
Po lîre quéque tchôse da Calozet.
Vos qui trouvèz vosse vîye si deure
On v' vèt bouchi l'iviêr è peur :
Tot ça èst scrît, vî rôleû d' bwès
Didins lès lîves da Calozet.
Vos s'réz tot fiér du ç' qu'i raconte
Qui vos viquez lu mî d'au monde
Min.me vos sopirs, vî rôleû d' bwès
Sont bin contès pa Calozet.
Pèrdèz po rin lès-istoriètes
Faîtes po lès ritches poncès d' twèlète
C'èst vos l' pus bê, vî rôleû d' bwès
S'apinse qu'i m' dit nosse Calozet.