Uzeu copene:Reptilien.19831209BE1/2021

Le contenu de la page n’est pas pris en charge dans d’autres langues.
Èn årtike di Wikisource.

eberweter roci...[candjî]

des fitchîs trop brouxhires, et trop spepieuzmint loyîs a on tecse, come les papîscrîts (dji tuze a onk a mete sol Lu warabê/VII) po-z esse metous so les Cmons.

Dj' a sayî come so les ôtes Wiki avou "pådje especiåles", mins ça n' va nén. Motoit ki dj' n' a nén des droets assez.

Ci sereut bén, si ça s' pout fé, di mete les deus licinces "coviete" & "boket odio" vaici ossu.

--Lucyin (copene) 24 di decimbe 2020 a 11:46 (UTC)

Come dji voe ki vos lzès rpassez so les Cmons, ploz revoyîz cisse foto ci eto?
Gråces co 13 côps.
--Lucyin (copene) 6 di djanvî 2021 a 22:22 (UTC)

mete des dates so Wikidata[candjî]

Dj' a sayî po Louis-Joseph Courtois, mins ça n' va nén.

--Lucyin (copene) 5 di djanvî 2021 a 18:39 (UTC)

Avou mi ça a stî tot seu, cwè çki vs avoz fwait ki ça n' a nén stî ? dijhoz m' on pô ! Reptilien.19831209BE1 (copene) 5 di djanvî 2021 a 19:00 (UTC)
Oyi, dji voe ! I fåt mete "Date de naissance" (dji n' aveu d' l' apriyesse k' avou les imådjes, la ki dj' meteu "Imådje".
--Lucyin (copene) 6 di djanvî 2021 a 18:08 (UTC)

Ploz mete les hårdêyes inte les modêyes, et les categoreyes, come so  matin?

(Dji l' aveu leyî scrire sins trop l' acvierner, po vey kimint k' elle "sinteu" l' ortografeye.)

--Lucyin (copene) 6 di djanvî 2021 a 18:08 (UTC)

Si dj' comprind bén, Â matin, c' est vosse coridjaedje ? Reptilien.19831209BE1 (copene) 6 di djanvî 2021 a 18:53 (UTC)
Dijhans "riscrijhaedje" (on n' pôrè dire coridjî ki cwand gn årè ene modêye oficire d' ortografeye do walon passêye å Moniteur !!!)
Dj' a tuzé a l' rimete insi po-z awè on tite diferin di "Au matin"; come li Feller-Francard a tos "â", dji l' a riscrît avou "Â".
Adon, metoz {{Modeyes|[[Â matin|Feller-Francard-Mahin]] - [[Å matén|Rifondou walon]]}} (dji mete Mahin, paski, metans li prezintoe "èm", on n' pout nén dire ki c' est do Feller-Francard).
--Lucyin (copene) 6 di djanvî 2021 a 19:29 (UTC)
Ploz mete l' eredjistrummint (wa_Å matén.ogg) so les deus ôtes modêyes, avou l' categoreye [[Categoreye:Ouves avou des eredjistrumints oyåves direk]] ?
Gråces.
--Lucyin (copene) 6 di fevrî 2021 a 20:37 (UTC)
Pôrîz mete eto [[Categoreye:Arimés]];[[Categoreye:Troepîtaedjes]]?
--Lucyin (copene) 6 di fevrî 2021 a 20:49 (UTC)
Fwait ! Fwait ! Reptilien.19831209BE1 (copene) 6 di fevrî 2021 a 21:59 (UTC)

N a-t i des novelès rîles sol Wikisourd da nosse...[candjî]

... po les åjhminces a-z awè des scrijheus ?

Metans: tos les tecses da Jean-Pierre Dumont, i les vôrè bén eplaidî (come Djåke Desmet). Sacwants ont stî rmetous e rfondou so l' Aberteke. Dji m' a-st ocupé di rashonner tos les cis eplaidîs so Tot_tournant_les_pådjes.

Li minme sacwè våt po les scrijhaedjes da Richard Joelants.

Mins: s' i dvèt siner ene sacwè, ni tårdjans nén. L' ådje est la (et des laids mås k' i gn a).

--Lucyin (copene) 6 di djanvî 2021 a 19:21 (UTC)

Pont d' novelès rîles, i fåt shuve li minme voye ki po les ouves da Djåke. Ça vout dire evoyî èn emile ås manadjeus OTRS tot shuvant çou k' est scrît vaici : Aidance:Abondroets#Otorijhaedje. Mins come dji sai bén k' c' est ene sacwè d' pezant, dji va mete on fôrmulåre sol waibe po rinde çoula pus simpe a fé. Dji vos di cwè fé dimegne. Reptilien.19831209BE1 (copene) 6 di djanvî 2021 a 20:02 (UTC)

Pådje MediaWiki:Wikimedia-copyrightwarning[candjî]

sol Wiccionaire, c' est l' k' dj' a tos les senes a pårt.

Est ç' parey voci? (dj' a sayî d' elzès mete, mins dji so trop court atelé.

--Lucyin (copene) 23 d' djanvî 2021 a 10:17 (UTC)

Fwait ! Fwait ! dj' a metou çou k' i m' shonnéve k' i faleut po Wikisourd, mins s' i gn a co des sacwè a radjouter, dijhoz mel. Reptilien.19831209BE1 (copene) 23 d' djanvî 2021 a 10:47 (UTC)

ratourner télécharger[candjî]

ki parexhe e grossès letes å dzeu.

Dj' a sayî, mins dji n' mi sai elodjî so Translatewiki (motoit k' il on co on vî vî scret låvå ?).

Dj' åreu metou "Aberwetez lu" (come on aveut "aschoûtez lu" sol Wiccionaire. C' est pus corant come kimandaedje/dimandaedje ki l' infinitif "aberweter".

--Lucyin (copene) 11 di fevrî 2021 a 17:37 (UTC)

Fwait ! Fwait ! vaici, mins i va faleur ratinde dimwin po vey li candjmint. Et gn a co toplin d' ôtes ratournaedjes a fé. Si vs avoz do tins, metez m' vaici ene djivêye di ratournaedjes, djelzès metrè so Translatewiki. Reptilien.19831209BE1 (copene) 15 di fevrî 2021 a 19:40 (UTC)
Mmm... "lu" c' est l' prono do rçuveu d' l' accion (fr: lui); li femrin c' est "leye".
"aschoûtez lu/leye" c' est come "schoûte mu, ashide tu, volans ns, voloz vs".
li prono d' obdjet c' est "el u li / l' " ; do côp ça dvreut esse : "aschoûtez l' ", "aberwetez l' "
--Srtxg (copene) 25 di fevrî 2021 a 19:27 (UTC)
por mi, li prono coplemint dirî on viebe å cmandeu (u dins ene fråze di dmande), c' est todi avou li spotchåve voyale "u":
cial, ci n' est nén ene djin: ci n' est nén: (por) lu / (por) leye (fr. lui); ni: lyi (dji lyi dene => dene lyi) (fr. lui), mins li => lu (fr. le / la): divant l' viebe: ele li prind po on fô. => prind lu po on fô, tins k' t' î es !
come di djusse, on pôreut spotchî (aschoûtez l', aberwetez l'), mins come on a metou "aschoûtez lu" po les prononçaedjes sol Wiccionaire, ostant l' mete dizo l' plinne cogne.
--Lucyin (copene) 26 di fevrî 2021 a 10:25 (UTC)
Oyi, vos avoz råjhon, lu c' est on

prono tonike (nén spotchåve adon); mins ossu l' cogne plinne d' on prono d' djin obdjet pa drî l' viebe.

C' est ki, po lu/l' , li cogne plinne est foirt råle, la ki po shure on codjowa ki finixh pa (oyåve) cossoune, ça doet esse al 2inme djin singulî (eg: dene lu) mins l' codjowa 2inme djin pluriyal (eg: dinez l' ) est pus corant/poli.
S' i gn a ene cogne plinne eyet ene cogne sipotcheye (çou k' est bén l' cas come mostré sol croejhate da Lorint), adon i nos fåt shure les rîles di spotchaedje, eyet pa drî ...-ez ça doet esse li cogne spotcheye.
--Srtxg (copene) 27 di fevrî 2021 a 17:11 (UTC)

Li Ptit Prince[candjî]

Dj' a metou deus modêyes, sicrîtes e minme tins, mins sins k' onk nel såye di l' ôte (i s' ont rescontré d' astcheyance e m' måjhone e 2001, ey esse tot saizis d' awè tuzé l' minme sacwè e minme tins): Li Ptit Prince (pa Lorint Hendschel) eyet Li P’tit Prince (pa Jean-Pol Grandmont).

Dj' a les pinses k' il est libe, veyanmint ki li scrijheu est moirt dispu dipu d' septante ans (e 1944). Mins i n' est nén co sol Wikisourd francès ! Douvént ?

Gn a yeu deus u troes ôtes ratournaedjes e walon fén les anêyes 2010, eplaidîs a Tittenfass (ki n' vudnut ki des lives foû abondroets).

Li cogne Latex (fwaite pa Pablo) doet esse åjheymint rimetowe d' assene. Dj' a eto on .pdf, si ça pout siervi.

--Lucyin (copene) 13 di fevrî 2021 a 12:45 (UTC)

Dji pout candjî li LaTeX e côde wiki.
Mins i fåreut aveur l' åjhmince da Lorint (paski motoit l' mwaisse modêye e francès est foû abondroets asteure; mins l' ratournaedje da Lorint c' est diferin (dj' a les pinses ki Lorint n' sereut nén contråve, mins c' est lu l' seu ki l' pout dire)
--Srtxg (copene) 24 di fevrî 2021 a 21:10 (UTC)
Oyi. Si vos lyi vloz dmander. Dj' el va atôtchî eto, mins après awè tot fwait l' Rantoele 97.
--Lucyin (copene) 26 di fevrî 2021 a 10:27 (UTC)
Po çou k' est del modêye da Grandmont, ele a stî eplaideye ene sadju sol waibe ? Reptilien.19831209BE1 (copene) 3 d' måss 2021 a 14:15 (UTC)

Les fåves da Bernus[candjî]

(ene tchene ki...)

 Estét pleine et n’avet pont d’plasse,
 Pou s’desbarassi dé s’paquet !
 Et s’moèse l’avet chessi su l’rûe fauce qui d’ai lasse!
 L’paufe chinne suctèt dain tous les coins, 

"...fauce qui d’ai lasse" = "...foice k' end est lasse" (télmint k' elle est nåjheye) ?

et sol pådje shuvante :

 « Si vo v'let ravoé vo barraque,
 « Chéyét nous su l’casaque ! 

"chéyét nous" = "schoyoz nos" (viebe Wikt:scheure) ? ou "tcheyoz nos" (viebe Wikt:tchaire) ?

--Srtxg (copene) 24 di fevrî 2021 a 21:10 (UTC)

Por mi l' prumî c' est : foice ki nd a lasse (awè lasse, end awè s' sô) ; çou n' est nén l' lexhe k' est nåjheye, mins s' mwaisse ki ndè pout pus d' leye, adon i l' foute a l' ouxh.
Pol deujhinme, c' est bén tchaire sol casake d’ ene sakî (acertiné O4, våt pol francès tomber sur le dos de quelqu'un)
Reptilien.19831209BE1 (copene) 25 di fevrî 2021 a 06:36 (UTC)
oyi, foice k' i nd a lasse. "ai" shonne esse metou po "è", li codjowa di "awè" sol l' Årdene nonnrece ey eto so Nonne do Coûtchant walon (disk' ås Matagnes). Motoit k' Bernus a oyou des djins d' avår la djåzer walon (il sieve ossu d' "moésse" = mwésse ki vént ossu d' après Nonne) (asteure, après Tchålerwè, mésse).
iva po Tcheyoz nos sol cazake ! ("scheure" po "toumer" est possibe, mins todi sins coplemint "li plouve scheut k' araedje !). Avou coplemint, todi toumer: dj' a scheu totes les biyokes.
--Lucyin (copene) 26 di fevrî 2021 a 10:38 (UTC)
Oyi ! Paf so mes doets ! Dji maxhe sovint ki (aloyrece nén spotchî) et k’ i (aloyrece sipotchî + prono). Et dji sai ki c' est ene laide flotche. Gråces Lucyin. Reptilien.19831209BE1 (copene) 26 di fevrî 2021 a 10:51 (UTC)
E lidjwès classike (et, do côp, motoit bén dins des vîs tecses ôte pårt), li prono pout esse rissaetchî evoye, copurade dins l' lingaedje sicrît. Po "ki" eneviè "k' i" ça n' s' ôt nén télmint; mins on l' voet avou ds ôtes pronos.
Dj' ô bén, ça s' pôreut ki ça soeye "ki nd a" purade ki "k' i nd a" (la ki l' sudjet est ddja dit pus timpe (li mwaisse)
po "scheure", après tuzaedje, neni; la ki ça sereut avou /sk/ (et poy, li sinse di "toumer sol cazake" va bén)

ôte tchoi:

 S′cumant, mafflet, rindu l′Lion chai roét à terre, 

Dins l' DTW i gn a "maflé" (=avou des grossès mashales); mins ça n' va nén foirt bén avou l' sinse del fråze (a moens ki ça soeye po dire k' i shofele foirt et a do må a respirer ?). Dji m' dimandéve si ça pôreut esse ene disfondowe di "måvlé" (måva, mwais, nén contin) ? Gråces. --Srtxg (copene) 26 di fevrî 2021 a 11:41 (UTC)

neni: maflé = djus d' alinne, come onk k' a rçû on côp d'ppougn dins l' vinte. Imådje des djåbes k' on tape did so tchår djus sol mafe, dandjreus.
Schoumant, maflé, rindou, l' Liyon tchait roed a tere.
--Lucyin (copene) 27 di fevrî 2021 a 17:30 (UTC)
Dji so d' acoird : el liyon a d' l' eschoume a s' boke (acertiné O4), il est schoumant, i nd e pout pus, il est maflé (i shofele foirt et rade), et adon i tchait roed a tere.

Et co ene miete pus lon :

 A’ l’fin l’filet desfai, scappe ell’goue dé l’cassrolle. 

Dji n' arive nén a ricnoxhe ci goue la; Wikt:gosse (fr:goût), Wikt:goye (dins l' DTW i gn a-st èn ôte "goye" = (marke leyeye pa les) scroufes ? --Srtxg (copene) 27 di fevrî 2021 a 17:17 (UTC)

dji n' voe nén; i fåreut tote li fåve. Ké pådje ?
--Lucyin (copene) 27 di fevrî 2021 a 17:30 (UTC)
Por mi c' est ene flotche et i fåt lére « geue » (gueuye, Bernus el sicrît eto gêue, geüe et geûe). I fåt comprinde ki cwand l' soris a disfwait l' filet (après l' awè rondjî), el liyon a plou si schaper. Il a schapé l' gueuye (ès gueuye) del casrole (del trape, di l' ebaras, come divins l' ratourneure awè ene casrole a s' cou). Reptilien.19831209BE1 (copene) 27 di fevrî 2021 a 19:46 (UTC)

conteur di pådjes[candjî]

Pôreut on awè on conteur di pådje ? Come çoula, on l' metreut tos les 3 moes sol Rantoelen et awè ene sovnance di l' avançmint. --Lucyin (copene) 27 di fevrî 2021 a 17:32 (UTC)

Wikisourd ni rote nén come els ôtes pordjets, li conte ni s' fwait nén del minme manire. So l' pordjet francès, c' est on robot ki fwait l' conte vaici tos les djoûs. Dji saye di mete tos les moes on conte rond vaici, mins dji va vey si dji pou fé otrumint, mins dji n' promete rén. C' est on problinme ki gn a so les Wikisourds dispu todi, i gn a nén d' åjheye manire di carculer li nombe di tecses (come on l' pout fé so Wikipedia u Wiccionaire), paski Li grandiveuse (1899), Li grandiveuse (1899)/I et Li grandiveuse (1899)/II, çou n' est k' on tecse (nén troes). Reptilien.19831209BE1 (copene) 27 di fevrî 2021 a 17:44 (UTC)
Gråces. Gn a rén avou ça.
--Lucyin (copene) 27 di fevrî 2021 a 19:39 (UTC)

Li saga dè radon[candjî]

Loukîz les emiles di l' eplaideu et do scrijheu. Est ç' assez po dire ki c' est ene libe licince ? Udon fåt i eplaidî on boket u deus et lzî ridmander ? Dj' aprestêye dedja deus sayes.

Li scrijhaedje k' est sol live p. 2, c' est : Toute utilisation ou reproduction en tout ou en partie de ce document doit s'accompagner d'une mention de la source (Vandeschueren H.W., 2020, Li saga dè radon, Les éditions du Stâve dès Boûs, Logbiermé, 323p.).

--Lucyin (copene) 7 di måss 2021 a 11:31 (UTC)

Come c' est scrît dvins l' live, el licince n' est nén claire... Paski ça n' dit nén s' on pout rprinde el tecse et l' replaidî po s' fé des liårds, çou k' est onk des criteres po mete on tecse so Wikisourd. Adon, el mia, c' est d' mete on boket et so Wikisourd et d' dimander a l' oteur d' evoyî s'-n otorijhaedje tot shuvant çou k' est scrît vaila. Sins çoula, on n' pôrè nén wårder l' tecse. I fåt eto lyi dire ki, s' i dene s'-n otorijhaedje, çoula våt eto pol sicanaedje d' ès live, k' on metrè adon so les Cmons. Reptilien.19831209BE1 (copene) 7 di måss 2021 a 12:14 (UTC)
Iva. On va ratinde ki li stok di lives papîs soeye sipoujhî, et k' i n' tuzexhe nén a l' replaidî. Dji dmeure e hant avou Lionel Hurtebise, l' eplaideu.
--Lucyin (copene) 24 di måss 2021 a 10:23 (UTC)

Motlî del "Pitite Comere"[candjî]

Li ptite comere avou l’ blanke camizole/V: dji n' parvén nén a l' trepådjner (categorijhî) avou les ôtes motîs walon-francès (la k' les categoreyes sont co e francès).

Dji voe ki vos ls avoz « rapatriyî ». Adon, on pout mete roci eto les cis ki sont ddja so Wikipedia (R19 eyet C66).

Et co motoit li motlî walon francès d'Vera, ey eto èn esplicant motî do minme live, ki dj' aveu fwait dins ene modêye (nén eplaideye) sins ratournaedje e francès.

On pôreut ridmander l' åjhmince dins les regues a Julie Servotte po l' motî d' Årsumont (ey adon, li rsaetchî d' l' Aberteke, po n' awè "k' ene ôte copeye sol Daegntoele" come ele li dmanda so èn emile.

Vos m' diroz cwè.

--Lucyin (copene) 24 di måss 2021 a 10:37 (UTC)

  • On n' såreut mete ci pådje ci, k' est so Wikisourd e walon, divins l' categoreye fr:Catégorie:Dictionnaires wallon-français, k' est sol Wikisourd e francès. Lodjicmint po les walfrans (intrêye e walon mins ratournaedje e francès), c' est so Wikisourd e francès k' elzès fåt mete, come po l' motî Forir, Haust evnd. Vaici, come vosse motî c' est ene partêye do live Li ptite comere avou l’ blanke camizole adon ça passe, on l' pout mete vaici, et c' est l' minme po R19 et C66. Mins po çou k' est di C62 (motî d' Årsumont) ça serè so Wikisourd e francès.
  • Dji n' comprin nén çou k' vos dijhoz pa : Dji voe ki vos ls avoz « rapatriyî ». Cwè çki dj' åreu rapatriyî et eyou ?
  • Po l' motî d' Årsumont, dji lyi a ddja dmandé et ele n'est nén d'acoird pol mete so Wikisourd :

    Je m'oppose absolument à ce que propose la licence CC-BY-SA 0.4 qui permet à n'importe qui de modifier comme il l'entend et de vendre mon travail. Je veux en rester maître. […]

    Comme dit en wallon : "Boune mins nén bounasse".

    — Julie Servotte, 21/08/2020

    ... dji n' pou rén fé disconte ça ! Reptilien.19831209BE1 (copene) 25 di måss 2021 a 06:34 (UTC)
rapatriyî: dji creyeu k' dj' esteu sol Wiki walon tot lijhant onk des walfrans. Djusse on clitchaedje et vos estoz foû, c' est nén come les frontires pol djoû d' ouy.
motî d' Årsumont: gn a rén avou ça, il est e deus plaeces: i n' pout må di s' piede. C' est l' veur k' on va awè des rujhes po bråmint des scrijheus ès leyî adire… dedja po les desséns da Lemeur, k' esteut bén d' acoird å cmince (dji n' a pupont d' noveles da Djåke Desmet).
Dimwin, dji scrî a Lorint (li ptit prince) et a Jean Germain (Aline da Bal/Ramuz).
--Lucyin (copene) 1î d' avri 2021 a 22:14 (UTC)

Li moirt di l' åbe[candjî]

dj' a rmetou l' Feller avou li rfondou. Loukîz çou k' i fåt fé avou l' .djvu

--Lucyin (copene) 1î d' avri 2021 a 22:09 (UTC)

Alcide Pryor[candjî]

Bondjoû Reptilien,
Dj' a ene kesse rwaitant Alcide Pryor. Come vos l' savoz bén, ç' esteut l' no d' pene da deus djins : Adolphe Picard yet Alphonse Le Roy. Pou-dju askepyî ene pådje po tchaeconk, minme si dji n' so nén seur k' is avént scrît ene sacwè e walon tot seu, veyånmint k' is estént mimbe d' ene "binde" (Alcide Pryor) ?
Amiståvmint,
--Èl-Gueuye-Noere (copene) 2 d' avri 2021 a 12:28 (UTC)

« minme si dji n' so nén seur k' is avént scrît ene sacwè e walon tot seu », vos av tot dit ! I fåt dabôrd vey s' il ont scrît tot seu. C' est come po fr:Auteur:Erckmann-Chatrian, i gn a k' ene pådje po les deus, pask' i n' ont måy sicrît tchaeconk di leu costé. Et come dji vos tén et k' dj' î sondje, po Pierre Arcq, so Wikisourd e walon, on n' mete ki les ouves e walon, les ouves e francès s' metnut sol pordjet francès. Adon vos vloz bén rsaetchî del djivêye des ouves les troes ki sont-st e francès ? Merci. Po Adolphe Picard et Alphonse Le Roy, dji rwaite al shijhe et dj' vos di cwè. Reptilien.19831209BE1 (copene) 2 d' avri 2021 a 14:07 (UTC)
Les scrijhaedjes eplaidîs po el CRISP ont stî disfacé do Wikisourd. Dji doe co rwaitî po ses ovraedjes dins "El Bourdon", saveur ç' k' i-z a scrît yet dins ké limero. Dank traze côps pol racsegne.
Amiståvmint,
--Èl-Gueuye-Noere (copene) 2 d' avri 2021 a 15:24 (UTC)
Merci ! I m' shonne k' i nd a k' deus, di scrijhaedjes : loukîz vaici. Reptilien.19831209BE1 (copene) 2 d' avri 2021 a 16:33 (UTC)

Categoreye:tecse / ouves (avou do francès) ?[candjî]

Dins kékes categoreyes, dj' a metou "tecse" et nén "ouve". Po Tecses sol lingaedje walon, dji croe k' c' est bén e s' plaece (ca totes les pådjes, c' est des "ouves sol lingaedje walon"). Asteure: Tecses avou do francès oubén Ouves avou do francès? --Lucyin (copene) 11 d' avri 2021 a 10:20 (UTC)

ouve u tecse, c' est sorlon ! Metans, Les crostillons da Kinable, c' est ene ouve ki contént des tecses, por mi todi. Dji direu l' minme po les Fåves da Lafontaine k' est ene ouve ki contént puzieurs fåves (k' on preut vey come des tecses). Mins dj' admete voltî k' çou n' est nén foirt clair. @ Srtxg ene idêye ? Reptilien.19831209BE1 (copene) 11 d' avri 2021 a 10:44 (UTC)

Modele teyåte ? Tiestire Courtois[candjî]

Loukîz a Li_crèyôcion_dè_monde eyet Indëgnâcion d’onk dë mès vîs profèsseûrs po-z-oyë tradwît Vërjîle è walon : qué crëme !

--Lucyin (copene) 18 d' avri 2021 a 17:50 (UTC)

  • Pol modele teyåte dji n' comprin nén çou k' vos vloz fé, djel a rsaetchî et raloyî l' pådje so Wikidata, c' est tot çou k' dji pou fé.
  • Pol deujhinme pont, dj' a metou l' tecse avou l' facsimilé.
  • Po çou k' est des videyos, on n' les mete nén so Wikisourd, k' est ene bibioteke, avou des scrijhaedjes, nén ene mediateke. Mete on fitchî odios avou l' sicrijheu ki lét s' tecse, ça passe co, mins des videyos, ça m' shonne aler trop lon.
Reptilien.19831209BE1 (copene) 18 d' avri 2021 a 19:10 (UTC)
L' idêye, pol modele teyåte, c' esteut di fé ene tiestire come li cene des gazetes.
Iva po les videyos.
--Lucyin (copene) 19 d' avri 2021 a 16:14 (UTC)
Dji n' m' î rtrouve todi nén avou l' tiestire Courtois. Gråces di rmete les 4 dierins bokets dadrame.
--Lucyin (copene) 25 d' avri 2021 a 12:15 (UTC)

Dji vén d' rapontyî les 3 pådjes, avou des spessès notes Wikisourd. Loukîz si ça vos dût.

Dj' a rlî li pådje di dmande di rsaetchaedje des 2 fitchîs. Dj' a seulmint veyou ouy k' i nos fåreut eto ene permission del cåzeuse. Dji lyi pou dmander, si ça pout aidî. Kî çki decide si on les wåde u les rsaetchî ?

--Lucyin (copene) 2 d' may 2021 a 11:50 (UTC)

Tecses da Jules Tits: kimint marker si acoird dins les rîles Wiki ?[candjî]

Loukîz roci.

Gn a-t i ene fôrmule tote fwaite po çoula (po l' reployî a l' avni, come dji fwai dedja avou les tecses et eredjistrumints pol Djåzant atlasse).

--Lucyin (copene) 14 di may 2021 a 10:44 (UTC)

Lucyin : Motoit fé come on l' fé voltî avou les fitchîs sol Wikipedia ?
--Èl-Gueuye-Noere (copene) 4 di djun 2021 a 22:18 (UTC)

apostrofe di dvant l' mot[candjî]

Dins MediaWiki:Wikimedia-copyrightwarning, replaecî « ʾ » (ki vént après …) pa « ‘ » (apostrofe di tiesse di mot), et gråces. (dj' end a yeu dandjî dins Oteur:Yves Paquet

Fwait ! Fwait ! Reptilien.19831209BE1 (copene) 20 d' setimbe 2021 a 20:37 (UTC)

Lives do Muzêye do Pårlaedje e l' Årdene eplaidåves so Wikisourd[candjî]

Djowel Tiri (li penleu do Muzêye) m' a dné ouy li lisse des lives ki l' muzêye vout bén vey eplaidîs so Wikisourd. Dj' ô bén: tecse walon et imådjes (fotos u desséns k' irént aprume so les Cmons).

I m' a dné èn egzimplaire papî di tchaeke live, mins pont d' fitchî. I va co cweri après les cis k' il åreut co (mins seur nén tertos; i creyeut k' on meteut les lives dins ene machene, et k' i moussént foû direk so Wikisourd).

Dj' aprestêyrè divant waire li lete ki Djowel evoyrè a « permission.fr » po dclårer l' åjhmince di l'eplaideu, et vos evoyî ene copeye, po vey si c' est d' adrame.

Foirt boune novele, mins di l' ovraedje serè diferinne po tchaeke live, dandjreus. On vierè bén cwè a fwait (copurade ki dji dmeure e « dmey condjî » disca l' fén do moes d' nôvimbe.

--Lucyin (copene) 22 d' octôbe 2021 a 21:11 (UTC)

Iva ! Dji ratins d' vos noveles po sawè si gn åk a fé d' èm costé. Reptilien.19831209BE1 (copene) 23 d' octôbe 2021 a 09:15 (UTC)
Djowel a evoyî ttafwait ås permissionisses: "Bondjoû Lucyin, Dj' a èvoyé a Wikipédia tot çou k' vos m' av dimandé."
Vey asteure, tecnicmint, kimint fé po l' eplaidaedje roci (e moes d' djanvî, plaist-st a Diu).
Boune anêye et totes sôres di bouneurs
--Lucyin (copene) 28 di decimbe 2021 a 11:47 (UTC)

gazete "Intrez don"[candjî]

Sårîz rarindjî s' pådje.

Gråces.

--Lucyin (copene) 1î d' nôvimbe 2021 a 21:21 (UTC)

Lives do Muzêye do Pårlaedje[candjî]

Dj' a tot apresté les lives otorijhîs po-z eplaidî roci do Muzêye_do_Pårlaedje_e_l’_Årdene.

I m' dimeure a fé l' tecse po Djowel evoyî ås "permissions". Po esse seur di n' nén fé l' ovraedje 2 côps, pôrîz kécfeye li fé e m' plaece ? Si vos vloz taper èn ouy sol tecse ki dji lyi evoye (avou ene copeye por vos). Dj' î atele les pådjes d' abondroets. I ls avént dmandé li côp passé (po les covietes di lives do muzêye dedja metowes so les Cmons).

Après, i ridmeurrè li riscanaedje avou ricnoxhance di letes. Mins çoula, vos estoz pus fel ki mi, pinse dju.

Dijhoz mu cwè.

Gråces.

--Lucyin (copene) 13 di nôvimbe 2021 a 11:22 (UTC)

Oyi, dji vou bén fé çou k' i fåt. Li permission a scrire c' est po :
  • Coradje da Charles Bentz,
  • Li tèlèfone do curè da Rodolphe Dedoyard,
  • Â ratind tot da Joël Thiry
  • Dol pîre di molin al pîre d’âté da Robert André
Dj' a tot, u i ndè manke ? Reptilien.19831209BE1 (copene) 13 di nôvimbe 2021 a 16:18 (UTC)
Gn a co:
  • Eviè Nonne (Lucyin Mahin, 2006)
  • Â ratind tot (Joël Thiry, 2008)
Po mi prôpe live, ostant l' mete avou, poy ki c' est zels ki l' ont-st eplaidî, et i l' ont cité å raploû la k' il ont dné leu permission.
Po n' sicrire k' on côp a Joël Thiry, cwand vos lyi evoyroz li tecse definitif, pôrîz mete ossu ene permission po Louwise (boket di "doze femes") eyet Hanri, li poupa da Louwize (boket di "12 omes") k' estént so "Cultureforum" e Feller et l' modêye rifondowe da Emma so l' Aberteke e rfondou]. Come çoula, gn årè nole rujhe avou les "rnaxheus" d' Wiki.
--Lucyin (copene) 19 di nôvimbe 2021 a 18:44 (UTC)
Comprins po les ouves ki manként, dj' elzès radjoutrè dins l' lete. Dj' a ddja atotchî Djowel pa-z emile po sawè s'il est d'acoird avou çou k' est di vaici. Dji ratins s' response. Reptilien.19831209BE1 (copene) 20 d' nôvimbe 2021 a 11:29 (UTC)

Permission po les scrijhaedjes da Louwis Baidjot[candjî]

Dji vén di lijhî tot çou k' dj' a dins mi éndjole (Louis Baijot).

Dispu ciste ashyinne ci des scoles di Bive, si fi, Pascal, vént shuve les scoles (il aveut ddja stî vnouo côp u deus, mins c' esteut målåjhey, la k' i boutéve co e Molén.

Asteure, il ont vindou ttafwait, et i serè "al pinsion".

Il est d' acoird po k' on mete les bokets di s' pere so Wikisourd.

Kimint fé ene permission djeneråle, la k' n poreut radjouter des ôtes tecses (aprume les cis do Coutcouloudjoû) ? Vos avîz ddja cåzé d' ene sôre di permission insi po les dcrijhaedjes da Jacques Desmet, mins dji n' sai pus çou k' aveut stî decidé).

--Lucyin (copene) 19 di nôvimbe 2021 a 18:50 (UTC)

Respondou pa-z emile. Reptilien.19831209BE1 (copene) 20 d' nôvimbe 2021 a 11:24 (UTC)

Permission po les scrijhaedjes da Gaston Lucy[candjî]

Tos les papîscrîts da Gaston Lucy (sicrijhaedje espontané) avént stî dnés a Louwis Baidjot, ki nd a rtapé tote ene peclêye e "Feller-Baijot".

Li seule eritresse k' a d' l' agrè pol walon, Huguette Lucy, si neveuse, ene viye scolresse di mes Scoles di Bive (90 ans) m' a bén repeté ciste ashyinne ci ki li sohait di s' mononke, c' esteut d' esse lî.

Did la l' idêye di fé ene permission po tos les scrijhaedjes ritapés pa Louwis Baijot. Les deus "scolîs". Pascal Baijot, li fi da Louwis, et Huguette Lucy, li neveuse da Gaston, estént bén d' acoird.

Asteure, kimint tourner li lete a-z evoyî ås "permissionisses" ?

--Lucyin (copene) 19 di nôvimbe 2021 a 18:57 (UTC)

Respondou pa-z emile. Reptilien.19831209BE1 (copene) 20 d' nôvimbe 2021 a 11:24 (UTC)
Dj' a l' papî d' acceptance, avou des mots k' elle a tchoezi leye-minme; dji vos l' evoyrè divant waire (mins dj' a do traeyin avou l' Rantoele 100, et motoit mi voyaedje d' eralaedje).
Fårè co fé li lete d' acpagnmint.
--Lucyin (copene) 12 di decimbe 2021 a 22:15 (UTC)

Djan-Pire Dumont acceptêye d' el mete so Wikisourd. Dj' el rivoe dmwin, et lyi fé l' permission (i n' voet pus bén clair) k' on-z evoyrè di si éndjole. Sacwants bokets sont ddja so l' Aberteke e rfondou. Serè ç' assez u fårè-t i riscaner li live-papî ?

--Lucyin (copene) 12 di decimbe 2021 a 22:15 (UTC)

Boune novele, et grand merci a lu. Oyi, c' est assez, mins si vos savoz scaner l' live, c' est ene bele bistoke di pus. C' est todi pus simpe di riscrire ene ouve avou on facsimilè, mins après, si vs n' avoz nén l' tins, gn a rén avou ça ;-) Reptilien.19831209BE1 (copene) 13 di decimbe 2021 a 06:22 (UTC)
iva. Dji nel rivoe ki dmwin. Dji lyi dmandrè s' il a on dobe di s' live (dji n' a nén l' minne cial, et les scaneus del livreye di m' viyaedje å Marok ni boutèt nén bén (sovnez vs di "Cour d' agnon"). Les scanaedjes pol Muzêye do Pårlaedje ont stî fwaits a Libin. Mins dji n' sai nén si l' livrî årè l' tins avou les fiesses.
--Lucyin (copene) 16 di decimbe 2021 a 21:01 (UTC)
Permission evoyeye (copeye dins vosse boesse ås emiles);
I n' a pus nole copeye di live so papî.
Dj' a rtrové (dins si éndjole) ene pårteye des tecses. L' ôte mitan doet esse la ossu, mins dji n' l' a nén rcopyî (dji contéve ki c' esteut deus côps l' minme fitchî). Et dji n' sai cwand k' dj' î pôrè raler;
Sayîz di shuve li permission, ca Djan-Pire ni louke nén todi ses emiles. OU: lezî dmander di m' evoyî ene copeye do tiket, u a vos.
--Lucyin (copene) 19 di decimbe 2021 a 11:50 (UTC)

S' arotinant å sistinme "depô"[candjî]

  • dins « Wikisourd:Depô/Lucyin/Dins la paujîre nut′ », kimint fé po mete on candjmint: *« û ce quu Marîye, dins sès brès, tint lu p’tit : » (on pî d' trop dins ene longue fråze, cåzu impossibe a tchanter) => « û qu' Marîye, dins sès brès, tint lu p’tit »
  • come on a tchoezi li modêye dedja la (avou 5 djins k' el vont tchanter), fåt i wårder les pî-notes (ki leyént del laxhe, po les mots nén corants, mins ki fjhént piede li rimaedje u l' pîtaedje) ?
  • loukîz si « Li_viye_feme_essevleye » est d' adrame insi. Ké date fåt i mete ? 1841 u 2021 ?
  • Gråces et bounès fiesses.

--Lucyin (copene) 22 d' decimbe 2021 a 17:02 (UTC)

Dji vs a rmetou l' tecse candjåve po k' vos ploxhe fé vos candjmints.
« fåt i wårder les pî-notes », ça c' est a vos d' vey, c' est voste ouve, vos nd e fjhoz çou k' vos vloz.
Po Li viye feme essevleye, c' est todi l' date d' eplaidaedje del modêye k' on mete. Li modêye e Rfondou a stî scrîte e 2021, li modêye e Feller e 1928 et l' oridjinåle e ???
Bounès fiesses a vzôtes eto, Lucyin.
Reptilien.19831209BE1 (copene) 22 d' decimbe 2021 a 19:11 (UTC)
Po Wikisourd:Depô/Lucyin/Dins l’ påjhûle nute, li tecse serè eplaidî e l' Rantoele 100 => disfacer li depô.
--Lucyin (copene) 25 di decimbe 2021 a 18:49 (UTC)

Fåves Mottet[candjî]

Ploz radjouter des hårdêyes eter modêyes po:

Gråces.

--Lucyin (copene) 27 di decimbe 2021 a 16:17 (UTC)