(Einstein, Marêye, Michael)
Einstein : Asteûre, ine ègzimpe di bièsse qu’a on nom qui ravise fwért à on novê mot è l’anglès qui tot l’monde, po l’djoû d’oûy, s’è siève, nut’ êt èt djoû : Fèsse-bouck. (il montre ses fesses et son menton)
Dji vou djåzer dèl gade, èt vos l’ alez comprinde tot fî dreût.
Li Bon-Diu aveût tûzé qui po fé crèhe li nateûre, i fåt dèl tcholeûr…
Nateûre èt tcholeûr vont sovint èssonle ! Dji veû dédjà dès p’tits sorîres èt d’ètind min.me dès cis qui rîyèt… Ah ? vochal ine saquî !
(Marèye et le vétérinaire entrent par la droite)
Marêye : Portant, èle èst -st- è tcholeûr, savez Moncheû l’vètèrinêre, si nateûre èst tote rodje èt tote rinflèye !
Michael : Bin awè, Marêye, dji vou bin, mins vosse boc là, i n’èst pus d’ trop d’atake.
Marêye : ah ba, què fåt-i fé ?
Michael : i fåreût l’mète å ripwès èt surtout èl tinre al tcholeûr ;
Marêye al tcholeûr ?
Michael : li mîs, èndon, Marêye, ci sèreût co dèl fé rinter avou vos èl mohone, po qu’il åye bin tchôd.
Marêye : awè, awè, èt bin, dji f’rè come vos d’hez
Michael : i m’sonle qui ci sèreût bon por lu.
Marêye : …èt po-t-èsse sûr qu’il årè bin tchôd, dj’èl va prinde è m’ lét avou mi.
Michael : Dji n’a nin dit qu’i fåléve ènnè fé tant qu’çoulà, èndon Marèye, ca lès odeûrs sont fwates…
Marêye : Oh bin po çoulà, i n’årè qu’à s’åbitouwer…
Michael : hi, hi, hi…
Marêye : èt po l’gade, wice i m’fåt-i aler ?
Michael : dji n’è sé rin, Marèye, lès bons bocs sont råres,…
Marêye : djan, c’èst come lès omes avou mi, tortos dès vårins, i n’a pus nouk qui wête après mi…
Michael : nèni vos ? portant vos èstez co (regardant alternativement Mariye et la chèvre dans les coulisses) …mins po l’gade, là, si vos volez, dj’ èl pou -st- insèminer…
Marêye : ah !? vos polez… Bin louke asteûre, dji n’saveû nin qu’on vètèrinêre poléve fé çoulà
Michael : sya, sya, savez, dji fê çoulà fwért sovint,
Marêye E : (intéressée) fwért sovint, dihéve là ?
Michael : (il rit) …èt dji n’rate måy mi côp
Marêye : Ah bin d’abôrd, vos polez î aler… èt vos veûrez po drî l’ouhe, i n’a on clå po pinde vosse maronne. (Ils sortent à droite)