I.
Dins lès bwès
D’ avau l’ fwè
A rnîcher dé la bonre du singlè
Après l’ trô
Du tasson
L’ cé qui vint aus pèmes à Tchan.mont
L’ long dès êwes
Dé lès sêwes
A wêter pou vèy dès miyos d’ êwe
Drî la hesse
Qu’ lès tchacrèsses
S’ î rmètèt quand c’ est timp dès tchèsses
Rufrin
Pôve lèd walon
Eco trâze côps
Dju t’ ê voyè au djâle èt co mou bin pus lon
Tchèque côp tu rvins
La zine mu rprind
Du t’ fiêster dins mès flauwes èt mès tchansons
II.
Lu marchau
Fère lu tch’vau
Sins jamês s’ fè piter, l’ lêd vèraut
Lu bokion
Ou fin fond
Du l’ virêye aprète in çant d’ ramons
T’ès l’ cinsî
Qui tchèrîe
Aus wèyins, la waléye pa padrî,
T' ès l' cwabjî
Wête qu' on lî
Dmandrot co du fè du gohurlî
III.
S' la dicauce
Et à l' hausse
Tous raploûs pou nous-ôtes, lès-aplausses;
L' après-mèsse,
La caftrèsse,
Diâle m' ancate, ç' astot ma djon.nèsse;
Dulé l' asse
Lu Tanasse
Toute chîje, i conte dès flauwes nin êwiasses;
Djeûs d' couyon,
Toutes imaudjes du Payis Walon.
sucrît inte Sidi Smaïl èt Bir Jdid lu 29 du djanvî 1993, sul tipètape d' ène air evoyeye pa Bruno Picard