Tchanson di totès boudes

Ciste ouve ci egzistêye eto divins ds ôtès ortografeyes : Vî scrijhaedje — Feller.

o.n.c.

Léonard Terry & Léopold Chaumont, 1889

Tchanson di totès boudes

I.

Dji vs va tchanter ene paskeye
K' est fwaite di totès boudes.
S' i gn a ene vraiye divins,
dji vou k' on mel riboute.
Tra la la la la la,
Tra la la la la la.

II.

S' i gn a ene vraiye divins,
dji vou k' on mel riboute.
Dj' intere divins ene praireye
wice k' i gn aveut nol åbe.
Tra la la la la la,
Tra la la la la la.

III.

Dj' intere divins ene praireye
wice k' i gn aveut nol åbe.
N aveut k' on vî djaeyî
ki crexheut des petchales.
Tra la la la la la,
Tra la la la la la.

IV.

N aveut k' on vî djaeyî
ki crexheut des petchales.
Dji tapa m' hepe divins,
dj' abata des gurzales.
Tra la la la la la,
Tra la la la la la.

V.

Dji tapa m' hepe divins,
dj' abata des gurzales.
Et l' ome court après mi
tot breyant si dj' t' atrape.
Tra la la la la la,
Tra la la la la la.

VI.

Et l' ome court après mi
tot breyant si dj' t' atrape.
Dji cour dins on molén
wice k' on n' î moleut måy.
Tra la la la la la,
Tra la la la la la.

VII.

Dji cour dins on molén
wice k' on n' î moleut måy.
Gn aveut deus viyès plantches
k' end alént tiketak.
Tra la la la la la,
Tra la la la la la.

VIII.

Gn aveut deus viyès plantches
k' end alént tiketak.
Dji m' såva dvins ene tchapele
wice k' on n' dijheu måy messe.
Tra la la la la la,
Tra la la la la la.

IX.

Dji m' såva dvins ene tchapele
wice k' on n' dijheu måy messe.
I gn aveut k' deus vîs sints
ki magnént del vete sope.
Tra la la la la la,
Tra la la la la la.

X.

I gn aveut k' deus vîs sints
ki magnént del vete sope.
Dji hera mes doets dvins;
dj' atrapa des côps d' loce.
Tra la la la la la,
Tra la la la la la.

XI.

Dji hera mes doets dvins;
dj' atrapa des côps d' loce.
Totes les moxhes å plantchî
si sofoként do rire.
Tra la la la la la,
Tra la la la la la.

XII.

Totes les moxhes å plantchî
si sofoként do rire.
I gn a ene ki touma;
ele si cassa ene coxhe.
Tra la la la la la,
Tra la la la la la.

XIII.

I gn a ene ki touma;
ele si cassa ene coxhe.
Fala shijh ônes di toele
po lyi ewalper s' coxhe.
Tra la la la la la,
Tra la la la la la.

XIV.

Fala shijh ônes di toele
po lyi ewalper s' coxhe.
Et pu shijh cints coirbås
po l' moenner a l' ospice.
Tra la la la la la,
Tra la la la la la.

XV.

Et pu shijh cints coirbås
po l' moenner a l' ospice.
Et pu shijh cints agaesses
po lyi vni tchanter s' messe.
Tra la la la la la,
Tra la la la la la.

XVI.

Et pu shijh cints agaesses
po lyi vni tchanter s' messe.
Et pu shijh cints moxhons
po l' moenner a Robiemont.
Tra la la la la la,
Tra la la la la la.

XVII.

Et pu shijh cints moxhons
po l' moenner a Robiemont.
Dji vs va tchanter ene paskeye
k' est fwaite di totès boudes.
Tra la la la la la,
Tra la la la la la.

Note Wikisourd

eplaidî dins l' BSLLW, 1889; 2inme edicion (anastatike) 1974.