Rastrind, là, Tchan.nik ![1]
Ç’astot dins yink du nôs p’tits vyadjes du hôt d’ l’êwe du Lèsse in dîmatche dul vèsprêye; on batijot lu p’tit dêrin da Tchan.nik. Après l’ batème, tous lès-èfants s’avint ratroklé pa-d’vant l’èglîje. La mârêne astot qui paurtichot lès p’tits satchots d’ suc′ du batème, èt l’ pârin astot qui stramot lès pîces du cinq, du dîje èt d’ vingt sous. À tchèque volêye du pîces, tous lès zwâres su k’boutint pou wêter d’è ramèchener lu pus′ possibe. Pîs ç’astot lès "vîve pârin!" qui rapougnint, èt si l’ pârin f’jot mine d’arèter lu stramadje, tu ‘nn′ avos du côp yink û deûs qui mausgrougnint: « tchitche pârin ».
Su ç’ timps-là, Tchan.nik astot ou tchapau d’ l’èglîje avu la mére èt mossieû l’ curé.
– Bin, di-st-i l’ curé, c’è sté in mou aujî gamin, vosse pitit Zidôre. I n’è nin d’djà wîklé quand on lî è vèrsé la bènite êwe su la binète.
– Hô, savèz bin, là, di-st-i Tchan.nik, on z-è fwait ç’ qu’i falot pou ça.
– Èt qu’èst-ç’ quu v’s-onz fwait, qu’i d’mande lu curé?
– Bin ça fwait ène sumwin.ne quu dj’ l’adèris a lî stritchant d’ l’êwe en su la tiêsse tous lès djoûs au matin.
- vèsprêye: après-midi.
- su ratrokler: se rassembler (personnes).
- paurti: répartir; partager.
- stramer: répandre, éparpiller.
- zwâre: gosse.
- su k’bouter: se bousculer.
- wêter du: essayer de.
- ramèchner: ramasser, rassembler; (de mèchner: glaner).
- rapougner: reprendre, recommencer.
- lu stramadje: la distibution à la volée.
- mausgrougner: maugréer, grogner.
- tchitche: avare.
- tchapau: porche de l’église.
- wikler: crier.
- binète: frimousse.
- adèri: endurcir, habituer.
- stritchant: projeter de l'eau sous pression.