Tåtî, Djètrou
TÅTÎ
A-t-on jamais plus vu
D’oublier son beau nom ! Faut bien qui j’ vous rappelle
Qui c’est Adelaïte maint’nant qu’on vous appelle,
845 Èt plus Gètru
DJÈTROU.
C’èst veûr ; mins djol roûvihrè co,
Pace quu, d’vins lès-âd’neûs, on n’ trouflêye mây sès nos.
TÅTÎ
Èt qui est-ce qu’a sonné ?
DJÈTROU.
A ! maîsse, c’èsteût on-ome,
On d’lahî diâle-è-cwêr !
TÅTÎ
Comment est-ce qu’on le lomme ?
DJÈTROU.
Dj’ nol dîreû dj’a : a pône s’ djo lî aveû d’mandé
850 A quî qu’ l’ aveût l’oneûr do pârler …, s’a sâvé,
Atot riyant tél’mint qu’ dj’aveû bon dol vèy rîre.
TÅTÎ
V’s avez dit bœuf pour vache ! ’Ne aute fois n’ faut plus rien dire.
Èt l’ pus court de tout, est-ce pas ? c’est d’ècouter,
Empuis de m’ dire ç’ qu’on dit. Maint’nant, v’s irez chercher
855 Une belle douzainne de z-huites. J’ vais vous montrer l’ boutique.
(Tåtî va al finièsse avou Djètrou, èt Pènêye vint awaîtî
al pwète dè fond.)
TÅTÎ (tot piçant Djètrou è minton).
En dezous d’un teûtê, voyez-vous une femme aux chiques ?
DJÈTROU.
Oyi, djol veû.
TÅTÎ (tot piçant Djètrou è minton).
Èh bien, c’est la maison joindant,
M’amour ; prendez ‘ne achette èt voilà de l’argent
Tåtî l’ pèriquî/Ake III, Sinne V
Ake III, Sinne V