Inte deus aiwes
Septante
Septante
‒ « Septante åbes, les ass riplanté ?
Septante ônes di fond ass cåvlé
po fé on pousse po-z abuvrer
septante djins k’ a l’ aiwe vont aler ?
Ass sicolé septante efants
tot lzî aprindant l’ Alcoran ? »
« Les septante åbes, dj’ els a rplanté :
des faws, des tchinnes, des atriplés,
håvurnas, ayåbes et pålmîs
olivîs, gurnadîs, djaeyîs,
ey on poerî et deus pemîs.
Dji n’ a sepou cåvler on pousse
a cåze d’ eguegnes vinant d’ mes cousses.
Mins dji spågne l’ aiwe a tot bout d’ tchamp,
et l’ racsegnî a mes efants.
Do Live, les messaedjes di bråvté,
dj’ els a rispårdou tocosté.
Et dj’ a scolé septante roufions
tot lzî raprindant leu walon. »
« Va s’ don fiesti tes septante ans !
Asteure, ti n’ es pus èn efant. »