Saîsons
I.
Il è nîvé tout blanc
Èt pîs, il è r’djalé.
Lès gros-bètch v’nèt briber
Ène sètche crousse à mougner
Lu djoû qu’i va r’ligner
Mon Diu ! Qu’i f’rè brèchlant !
II.
Ène walêye du gurzês :
C’èst lès bikèts d’avri.
Ène loukêye du solê ?
Mèrci, ça rachandit.
Profitans du l’ trawêye ;
Vou-r’-là dès nwâres nouwêyes.
III.
Lu ra.ènadje èst fwaît ;
I faut fér lès cojês.
Ènut’ qu’i fwait fènant,
Abîye, mès p’tits-èfants !
Pîs ça s’rè lès crupètes
Avu l’ tchape à l’ coupète.
IV.
Lès-aubes su dusplumèt
Èt on tire dins lès bwès.
Lès-èfants r’vont à scole ;
Lès vatches russont ou staule.
Gn-è lès steûles à ringuier ;
Lès pétrâtes à rauyer…