Såjhons
I.
Il a nivé tot blanc
Et pu, il a rdjalé.
Les gros-betch vinèt briber
Ene setche crosse a magnî
Li djoû k’ i va rlignî
Mondju ! K’ i frè brexhlant !
II.
Ene walêye di gurzeas :
C’ est les bikets d’ avri.
Ene loukeye di solea ?
Merci, ça reschandit.
Profitans del trawêye ;
Vo rla des noerès nouwêyes.
III.
Li rahenaedje est fwait ;
I fåt fé les coejheas.
Enute k’ i fwait fenant,
Abeye, mes ptits efants !
Pu ça srè les croupetes
Avou l’ tchape al copete.
IV.
Les åbes si disploumèt
Et on tire dins les bwès.
Les efants rvont a scole ;
Les vatches rissont e ståve.
Gn a les steules a ringyî ;
Les betråles a råyî…