Là d’djà 53 ans du-d-ça
(…) Èt pîs, dju nous-ans mètu an route.
– Èt èst-ç’ qu’ Élisse n’astot nin avu vous-ôtes ?
– Âh bin ç’ côp-là, Élisse, lèye, èle astot avu dès bèles-seûrs du Djèrbêfwè qu’avint v’nu dé lèye, èt èles s’ont dècidé à ‘nn’ aler avu nous-ôtes; èt pîs Lèyon, d’abôrd, pou qu’i n’astot nin mobilisâbe. Ça fwèt qui dju nous-ans mètus an route èt dju n-ans ‘nn’ alé su Davedisse. Èt lu p’tit Remi qu’avot quate mwès, dju l’ poûssins an vwature, ma fwè.
– Èt jusqu’à yû quu v’s-onz sté, come ça ?
– Âh bin dj’ans sté jusqu’à Oudrémont. Dj’ans arivés vè cinq eûres au matin. Aus-êreûs du djoû, dj’astins à Oudrémont, ma fwè. Èt pîs ç’ côp-là, dj’ans volu aler à l’églije à Lwète-Saint-Denis. Èt là, tout l’ monde astot vôye; tout l’ monde tout l’ monde, min.me lu curé.
– Èt comint ç’ quu v’ n’onz nin passé la S’mwas, d’abôrd ?
– Âh bin pace qui quand dj’ans arivé vè mêyenut′ à Mambe, lès ponts sôtint. Lèyon è couru an biciclète jusqu’à vrêmint lès dêrins ponts; èt lès Spayis’ astint su l’ pont; èt i gn-avot dès djins d’ Mambe qu’avint d’jà quité; èt i gn-avot la mitan qu’astint oûte du pont èt l’ôte mitan qu’astot d’mêru par ci; èt lès Spayis’ dusfindint d’ passer. T’tafwêt sôtot. Èt dj’ans ruv’nu, là, come ça. Ça fwèt qui dju nous d’jins qu’ dj’astins s’ lès feûs du l’ Ligne Maginot. Dju d’jins: i gn-è pont d’avance du d’mêru ciddé. Dju s’rans (…)
dècidins à ratèler, v’là èn-Almand, ène patrouye almande, yène dès prèmîres, d’avant-garde, qu’arivint. Èt quand dj’ans r’passé à Davedisse, lès djins d’ Davedisse nu nous v’lint nin crwâre: is d’jint qu’ ç’astot dès Polonais. Dju l’s-ans… « ôh bin dj’ans dit: vous l’ wêrez si c’èst dès Polonès. » Dju l’s-ans veû d’ tout près.
– Èt à quèlle eûre quu z-onz sté rarivés à R’dû, insi ?
– Vè wit-eûre èt d’mi nûve eûres, èt bin hodés. Èt i gn-avot èn-avion d’ tumé à l’ Crwas d’ Sètcheri, c’èst-à-dire, ou Tchamp d’Anu, come dijèt lès Barbazons.
Clothilde Delaite, à qui on doit ce témoignage, est interviewée par Pierre Joseph Dosimont. Enregistrement réalisé en 1949 disponible au CIDWEL à Neufchâteau. Transcription légèrement retouchée par Lucien Mahin.
Vous remarquerez dans ce style narratif, des syntaxe wallonnes typiques, telles que les locutions de liaisons: èt pîs ç’ côp-là; ça fwèt qui; l’utilisation de l’adverbe d’abôrd, qui veut dire: alors, bon. Dans la phrase "Lês djins d’ Davedisse nu nous v’lint nin crwâre", constatez la place du pronom complément devant l’auxiliaire, comme en espagnol. Ces particularités de la langue wallonne et bien d’autres vous sont explicitées dans les paragraphes de grammaire wallonne qui suivent chaque chapitre de l'ouvrage « Ène bauke su lès bwès d’ l’Ârdène ».
eplaidî dins l' coirnêye « Quand djè n' saîs rin, djè m' tâs ! » avou ene anonce e francès do parexhaedje do tôme II d' Ène bauke su lès bwès d’ l’Ârdène, tôme II, shuvant èn acoird passé avou Lucien Somme, li responsåve des scrijhaedjes e walon po l' gazete « Vers l'Avenir ».