- Por Lèyes, por Vos
Si v'n'avîz stu là, sèreûs-dj' m'nou â monde ?
Dj'a-st-avou dès moumints d'sofrance,
Vos-av' sutu m'consolåchon.
Vos m'av' si sovint t'nou po l'min ;
Dju m'a pièrdou bråmint dès côps,
Vos m'av' ruprindou ot'tant k'il a falou.
Vosse bèrce a stu çou ki m'tunéve duspièrté,
Lu boneûr du m'vêye, mu cité d'Paradis.
Dj' âreûs polou bate lu campagne, vos m'av' tofèr' raminé è mitan.
Vosse sûtisté, vosse manîre du tûzer djusse, nos pårtêyès-îdés,
M'ont-st-ilouminé.
Dj'a pwèrté dès dotes, vos m'av' duné dès loumîres, èt rikfwèrté.
Grâces à vos, tûrtotes :
Marêye, Léa, Carole, Sèlma, Pascale, Nicole, Rôse, Hinryète, Leïlou, Nadène, Fabiène, Hakima, ...
On fwêrt èt sincére mèrci po vosse bêté, vosse tinrûlté, vos binamés-agrès,
Èt vos blåmes avou, èt mîn.me vos-angueûlådes.
N's-inmans lu sinteûr du vos-oûyes, lu fleûr du vos parales, lu loumîre du voss'-t-odeûr,
lu tindrèsse du vosse djuvèlôre, lu charme du vos-aksants.
Dju v'rumèrcêye co cint fêyes d'aveûr sutu [u]vos[/u].
Vos-av' sofrou, vos v's-av' pièrdou, vo av' stu so hlîntche, so dreûte, vos-av' doté.
Èt nos, n's-avans polou consoler, rumète d'adreût, ruprinde, 'nner èspwèr.
Mèrci po çoula ingål'mint.
Vos-av' todi stu prèzintes, v's-èstoz tofèr là, vos d'man.roz tant ku l'monde sèrèt monde.
SINS VOS, NOS N'ESTANS RIN.
wallon lingadge du Hokê (Francortchamps), avril-mai 2024, revu 01-03-2025