Cisse pådje ci a stî coridjeye ey est l’ minme ki l’ sicanaedje.
— 50 —
DADITE
Wice alez vs ?
POREA
Sol Bate[1], come tos les dimegnes.
SINNE VI
POREA — DADITE — GÅRNIR
(Gårnir, pantalon foncé, camizole di linne, blankue tchimijhe sins col ; calote)
GÅRNIR (intrant)
Bondjoû Dadite et li cpagneye ! Ké novele ? Est on todi d’ måle oumeur ?
DADITE (setchmint)
Neni.
GÅRNIR
On nel direut nén. (a Porea) Dji vén vey valet si vos voloz vni vey rivni les colons avou mi.
DADITE
Lambert sôrteut djustumint.
GÅRNIR
C’ est l’ foete insi, nos nd irans-st eshonne.
DADITE
Awè mins i n’ a nén mezåjhe, Gårnir, ki vos vnoxhe disbåtchî mi ome po-z aler waitî après vos colons tot avå les pavêyes, savoz. Dj’ inme mî k’ i våye etinde on bea boket d’ muzike å kiyosse sol cai, c’ est pus comifåt, et dji so seure, do moens, k’ i rvénrè saive.
GÅRNIR
Et avou mi, i rvénrè sô, motoit ?
- ↑ Sol Bate, a Lidje, i gn a tos les dimegnes on grand martchî.
