Pådje:Paul Villers - L’éveûye du Saint-Martin, 1899 (in Wallonia t. 7, p. 10-11).djvu/1

Èn årtike di Wikisource.
Cisse pådje ci a stî coridjeye ey est l’ minme ki l’ sicanaedje.
10
WALLONIA
L’ÉVEÛYE DU SAINT-MARTIN[1]
par Paul Villers
1.

C’est hû lu veûye du Saint-Martin,
Nos avans fini scole à teimps :
Effilans donc les vihès banses
Et les chainas sins anse !
Lâ ! la ! lala ! etc.

2.

Chairgeans jâbes du strain et fahais,
Nu rouvians nein les vîs tonnais !
Qu’i plouhe, qu’i nive, qu’i tonne, qu’i jale,
Nos taprans tot à spale.

3.

Preindans avou cinq, six ramons,
Des blancs d’ sol fat : is sont si bons !
S’on ls’a méme happé so les horres,
Les maîsses enn’ ont bein d’core !

4.

Montans en amont do croupet :
Nos espreindrans qwand qu’i frait spais,
Et noste éveûye serait l’ pus belle,
Les geints spâgn’ront l’ chandelle.

5.

Vone-là l’ feu qui s’èlive o l’air :
Loukoz donc on pau ciste affaire !
C’est todis noste bâne lu pus foite ;
C’est co leie qui l’èpoite.

  1. Orthographe du Club Wallon de Malmédy. (Voir ci-dessus tome vi. p. 168, note 1.)