Cisse pådje ci a stî coridjeye ey est l’ minme ki l’ sicanaedje.
Lèyîz-m’ plorer
(Air : Gastibelza, l’homme à la carabine)
Mès camèrådes m’ont v’nou dîre : « C’èst nosse fièsse,
vinez danser ! »
Qu’in-ôte s’amûse, mi, dji pleûre li mêtrèsse
qui m’a qwité.
Dji l’inméve tant ! èlle aveût mès pinsêyes
di nut′ et d’ djoû…
Lèyîz-m’ plorer ! tote mi vèye èst gåtêye,
dji l’a pièrdou !
Sès p’titès mins avît l’ minme blankiheûr
qui nos feûs d’ lis
èt sès deûs lèpes èstît pus rôses qui l’ fleûr
di nos rôsîs.
Måy nole fåbite n’a fêt oyî come lèye
dès tchants si doûs.
Lèyîz-m’ plorer ! tote mi vèye est gåtêye,
dji l’a pièrdou !
