Li théâte riprésinte on cabaret bin t'nu ; uche d 'intrée au fond, fègnesse di chaque costé wailant su l' reuwe; 2e plan : uche del coû à gauche, uche del coujène à drwète ; tauves, à drwète et à gauche, au fond et prumi plan ; des tchèyères ; guéridon à gauche, dins l'coine au prumi plan ; candj'lette à drwèle prumi plan.
Quand on lève li rideau , Polyte cause avou ses pratiques, li garçon siève à l’ tauve do fond, drwète ; des dgins mougn'nu.
Ténoz , wailîz vos minme si l' compte est bin fait ; nos avans cinq dîners à on franc et d 'mée , dix verres di bîre el chix cigares à on gros soù , ci qui nos fait hiût francs et dîje , si l'arékmétique va todi comme di m ’ djòne timps ?
C'est jusse…
(A paurt). I s'a brouyî d'on franc, mais ni dijans rin.
(Payant). Volà l'affaire réglée… et merci di c' qui vos nos avoz donné å mougnî, c'esteuve sognî au pîre do poûce ; fuchîz sûr qui nos r'commandrans vosse maujone à totes les dgins di nosse villadge qui veront à Nameur.
(Ses camarades do fond,drwète, qu'ont fini d'mougni, vėgn 'nu su li d'vant).
- ↑ La Société interprétant cette pièce est libre de changer le nom de la localité, par exemple : On voyadge à Charleroè ou à Tournai, etc.
