Avou ’ne viye mante so s’ tiesse,
So s’ dos, ene noere pea d’ biesse,
Et on ramon dins s’ mwin !
Ele lyi prezinte ene taile plinne d’ ene dinrêye,
Come on nos dit k’ on mougne par la :
E waitant ça l’ sôlêye,
S’ dit : di ç’ côp ci dj’ so dins l’ toubac :
— « Eyet ti, kî çki t’ est, espece di mascarade ? »
Dit-st i a s’ feme, ki respond copu rade :
— « C’ est mi ki vént poirter l’ mindjî,
« A les djins ki sont e-n infier !
Et l' Chou lyi respond sins s’ bodjî :
— « Mins n’ vass nén leu poirter a boere ? »
On-z a do må d’ candjî, on vî petchî djonnesse,
I rvént todi å dzeu, pal cawe ou bén pal tiesse.
El Gote eyet l’ Araegne.
Cwand l’ bon Diu a yeu fwait, les Gotes eyet l’ Araegne,
Po disgoster et torturer les djins,
I leu dit : « Fåt tchoezi, po dmorer dins vos rcwéns,
« L’ måjhone del veye, ou l’ cahoute del campagne ?
« Insi waitîz d’ tchoezi vo bén !
« Si vos vloz tirer al bouxhete,
« L’ afwaire srè bén rade fwaite. »
