La ki lyi presse ; ele fwait cénk djonnes, tot daléve bén !
La dsu Picard ervént :
Azor lyi dmande co po ’ne cwénzinne,
Po s’ ermete di ses poennes !
« Mes djonnes, dit-st ele, èn vont nén co tot seus :
Picard li presse co po ’ne samwinne ou deus.
A la fén i rvént, co po rawè s’ cabane :
Mins Azor lyi a mostré ses dints !
« Waitîz, dit-st i, dji vos trawe vo bazane,
« Si vos avoz l’ måleur, di fote vo mouzon ddins !
« Si vos vloz rawè vo barake,
« Tcheyoz nos sol cazake !
« Waitîz d’ nos fote a l’ ouxh, rade pa l' epougne do cou !
Mins l’ pôve Picard esteut strindou !
Les djonnes d’ Azor estént spès come des veas,
S' il aveut stî tot seu asprover leu machwere,
E pierdant s’ trô, il åreut co leyî s’ pea,
Et por lu l’ pus fotant d’ l’ istwere.
« Fijhoz do bén a on vilin,
« I vo tchirè dins vo mwin. »
El Liyon eyet l’ Bourdon.
« Va-z è, ptit prôpe a rén ! Pô cût, ptit måye d’ agaesse
C’ est insi k’ on Liyon,
Pårléve on djoû a on bourdon.
Ki s’ foteut d’ lu e spotchant ses agaesses !