L’ fi d’ on Rwè pus k’ èn ôte, n’ vént nén å monde malén,
Å pus fén, å pus djusse, leyîz l’ goviernumint[1].
Si l’ peupe voet vni on Rwè, on tabeur, ene trompete,
I court sot ! tappe in l’aire, ess’ casquette èt s’ barete !
Rneye l’ ome ki prind s’ pårti ! po l’ Rwè i spoze ès pea,
Lu, l’ mwaisse, i rletche les pîs, d’ on tchén k’ a on tchapea !
El Tchawe-sori eyet les deus Marcotes.
Ene tchawe-sori, esteut rtcheute sins l’ sawè,
E plin d’ on nid d’ marcote,
Conte les soris, k’ aveut co ’n dint d’ triviè,
Ele sôtele rade dissu, po lu stronner s’ gaviote !
— « Comint, dit-st ele, vos oizoz vni droci,
« Après çki vo pekêye a todi fwait conte mi ?
« Cwè ? n’ estoz nén sori ? respondoz ki dj’ vos frote !
« Oyi vos l’ estoz bén ! ou dji n’ so nén marcote.
— « Cwè çki c’ est ? mi sori ? respond-t elle e breyant !
« C’ est on fås brut, et n’ fouxhoz nén crouwele
« Dji so zwezo, waitîz mes ailes !
Et vive les djins ki vicnut e volant !
— Schoûtant ’ne råjhon si djusse, l’ marcote a stî moens rude.
Ele l’ a leyî s’ evoler tot d’ shûte.
Ele eschapéve pa on ptit trô !
Deus djoûs après ele s’ eva come ene sote,
Tchaire dins les grawes d’ ene ôte marcote,
K’ è vleut a moirt a les zwezos,
Et co sol pont d’ esse estronnêye !
« Èm prinss po on zwezo, dit-st ele, t’ es bén trompêye,
- ↑ goviernumint purade ki govienmint po wårder l’ pîtaedje
