On s’muchèt dain s’mogeonne ! on n’ousèt pu bougi !
On avét l’vesse dé iesse mingi !
On fiét l’pelérinache, poû s’piette à Notré Dame !
D’peû, les z’effants courint dain lés cindrins d’leû mâme !
C’estét vraimin n’malédiction !
Enne coèx, eiét n’désolation !
In joû su l’tins qui passe, in curieux woéte pa n’craye,
V’la q’pa l’pia desqeudue, i voét l’bout dé s’noraye !
I n’fai ni iune ni deux, sautelle dessus tout doét !
A coups d’baston flaye su l’Baudét !
Tout péneu d’avoét sti si strindu pa n’bourique,
Les geins à coups d’cayaux, l’ont r’moinnèt à s’boutique.
On voét des sots pôsé et fai d’leû rinquinquin,
Dain in habit ou l’aute, impruntét d’leû voésin,
On voét l’bout d’leû n’oraye, in lés r’woétant à coêne !
On za bin raisô d’dire : qué l’habit n’fai né l’moêne.
