Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/92

Èn årtike di Wikisource.
Cisse pådje ci a stî coridjeye ey est l’ minme ki l’ sicanaedje.
86
LES FAUFES DÈ J. LAFONTAINE.

Niaurét pont d’prope à rin, pont d’paufe pou tinde ess’moîn,
Moins d’prigeons, d’hôpitâle, où s’qué l’chinaye s’intasse !
Comme dain l’pu haut impoé, on s’mousse fin dain s’mestî,
Ostant qu’in directeûre, respectét in ouvrî,
D’abaure qui fai s’dévoère, eiét qui rimpli s’posse ;
L’sin qui n’vout pu d’ouvrîs, ni pont d’moèses, a minti,
L’plasse est là pou t’tertous ! gangnelle pa vô cabosse :
L’aprinti d’vint bin moèse, l’moèse pou r’chaire aprinti.


L’PIA D’L’OURSE.

(L’Ours et les deux compagnons.)

Deux gros paoüres, qu’avint dangi d’mannoye,
Pou dé cachi estint évoye.
N’saqui leû conte : qu’in Ourse viquét dain l’bot d’Cheslét,
Dé n’pia comme in fouan, et cra comme toés baudéts !
L’pu franc avét s’fusique, s’fout dain l’tiesse dé l’desquinte !
D’l’escôrchi, d’prinle ess’pia, dé l’tânné et dé l’vinte.
I vont trouvé l’pétit Flamin,
L’marchand d’pia d’lîfes ét d’pia d’lapins !
Dain l’tuyau dé s’noraye, conte nu leû n’avisance !
Toppe nu l’mârchi, ét vinde nu l’pia d’avance :
Niaurét d’quoé s’fai n’casaque, plintiveuse â plaigi,
Et n’casquette, si d’avét dangi.
I vont quai dés balles et dé l’pourre,
On prin l’fusîque, on l’ketche, eiét on l’bourre !
Et lés zé v’la parti dain l’bot.
L’Ourse arrife in groulant ! i strin à leû barette !
Iun plâne su in charnîa, s’racrapotte à l’coupette,
Et l’aute ess’tappe à terre su s’dos !