Ça insblouit l’paufe peupe ! ça rind n’gein sâche malade !
L’Baudét juche toudi pa s’qui voét !
Mai lé Rnau suque t’tautou, i grawe, et i concoét,
Qué l’fond d’leu satche : c’est s’tenne grimasse !
Et à dont pa in mot, pou s’vingi i lés r’casse !
Comme ess’tilâle, qui woétét su in pont,
L’tiesse d’in roé, in arzie d’France ou bin du Japon ;
— N’belle tiesse, disti, mai d’cervelle i n’da pont !
Combin d’roés d’impêréures, dé c’tiesse là perdrint l’plasse.
IN MOT D’PÉPÉRE DERAVET.
In joû l’père Deravet, in sat’chant su s’tignasse,
S’avét mis dain l’toupet d’bati n’mogeonne à s’goût :
I l’voulét stoéte, né lonque, ét basse,
Né d’caufe, et né d’guergni du tout !
Les geins v’nint l’vire, li d’sint : « Bin t’as là n’drolle dé zine !
« Ostant t’logi comme in crawau !
« T’mogeonne c’est s’tenne cahiutte, enne baraque, enne cassine,
« In raing d’pourchat, in mânnet trau !
« Vô n’sauri né batte in chin à vo n’auche,
« A quatte dédain, faut s’téni d’estampét !
« L’huche et l’féniésse, trop stoétes, sont tout d’tréviét,
« Faut intré d’cresse ! tout ça est bin pau l’auche.
— « Pourét vâli, disti l’père Deravet,
« Quand j’s’rai vî, foipe, ét paufe, su qui n’véra q’trop rade !
« Elle fuche plaine dé vrais camarades. »
