Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/69

Èn årtike di Wikisource.
Cisse pådje ci a stî acertinêye pa deus contribouweus.
LIVRE III.
63

Et là, l’mougnét à crévé s’pia,
Des poès, des vesses, sain rin intinte,
In n’féyant rin, q’viqui d’sés rintes !
I li v’nét n’pance comme in tonia !
Mai in bia jou, pou du nouviâ,
Elle s’apresse à désquinte,
Pasqu’elle coèyét d’intinte,
Ranch’ner dain l’chambe d’in haut !
Lé v’la à s’déspéchi pou co r’passé pa s’trau.
Mai l’n’savét vudi ! et lé v’la bin saisie,
Elle d’allét in suctant t’t’autou,
Mai pont d’affaire ! s’pance estét acrachie !
— « Pourtant, d’sét elle, nia q’deux toès joûs,
« Q’jé m’ai co stichi d’ain l’trawée,
« Si j’n’ermuche né j’s’rai r’ascrauwée ! »
Et comme d’effet in chat est s’t’accouru,
Qui vo l’là radmoin rascoudu !
— « J’vô tint, disti, vo d’vét iesse estrannée !
« Et c’ést bon aployi ! vo n’avi qu’a songi,
« A z’avoé pu din trau pou r’fourré vô pancée,
« A prét avoét si bin mingi. »
— Là d’sû maugret qu’elle woétét d’brère,
I lia rade fai chire ess’n’amére.

MORALE :

Dain c’monde ci, biesses ou geins, r’ténét bin ça Françoèsse :
« C’est qu’enne sôri qui n’a qu’in trau, c’est s’tenne paufe biesse. »