Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/65

Èn årtike di Wikisource.
Cisse pådje ci a stî acertinêye pa deus contribouweus.
LIVRE III.
59

I fai signe avét s’patte, elle lé voét, eiét rade,
Elle desquin au galop pou sogni m’camarade !
I drouve ess’geue au l’auche, i li mousse ess’gohii.
Su l’tins qui s’desbat quî s’coutrouye,
Elle woête dain l’trau avét deux ouyes,
Copu claîre qué lés sin din chat,
Elle s’eva radmoin r’quai l’ochat !
Mai quand elle a ieu fai, elle a v’lu iesse payie,
L’Leu l’woète à coène in d’sant : « Bin vo riét n’do m’fie !
« Bin vo radodinet ! pasqué comme jél’intins,
« Vo d’vri iesse bin contenne
« Qué j’vo z’ai l’lii r’satchi vo tiesse haure dé mes dints !
« Mai c’nest rin ! woétet bin, dé n’né r’chaire dain mes moins !
« Pasqué, vo s’attraprii enne fameuse rigodenne,
« Contét q’vo passri mau vo tins !
— Là d’su l’Cigogne, enn’n’lia né d’mindét s’resse,
— Elle a rade foutu l’camp, in rastrindant sés fesses.

MORALE :

Vo voeyét bin Colas, qui n’faut né obligi,
Lés geins qui n’ont né d’keure ! vô z’auri bia rattinte,
I n’vo l’l’ervauront né ! mai si l’momint s’présinte,
I n’manq’ront né leû coup pou vo fai inragi.


L’LION QU’ATTRAPE ESS’PILE.

(Le Lion abattu par l’Homme.)

On moustrét sû n’caricature,
In joû sû l’foère poû deux gros soûs,
In Lion quattrapét s’doublure,
Pa in homme qui l’ténét pa d’zous !