Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/61

Èn årtike di Wikisource.
Cisse pådje ci a stî acertinêye pa deus contribouweus.
LIVRE III.
55
MORALE :

Vo voéyét bin z’effants, qué quand on z’a l’idée,
Dé fai n’saquoé ou l’aute, i faut woéti d’tout prét :
Comint s’qué ça toun’rèt, si l’affaire ai manquée,
Pasqu’il ést bin trop taure, quand on z’est s’trappét.
Et si on choute les geins, souvint : lés conséyeux,
Comme nô d’sons : c’n’est né lés payeux.


L’CHOU CLAUSE EIÉT S’FEUME.

(L’Ivrogne et sa Femme.)

On s’souvint co tertous, du Choû Clause à l’Ville-Basse,
Qu’estét soû d’lundi à sem’di !
I brichaudét ses liards, i destrugét s’carcasse,
Eiét l’péquèt roulét toudi.
In joû qu’il estèt plaîn, on l’ramoéne à s’mogeonne,
Kerchi ! qui n’savét pu s’qui fiét !
V’la s’fémme qui l’d’hesbie rade, ét l’li sat’che ess’maronne,
Tout d’in coup elle pinse à n’saquoèt :
Elle s’éva à dadaye chéz s’matante Margot Botte,
Pou avoé à presté lés affaires d’intermint :
Elle prîn l’civière ét l’drap, lès chand’lès, eiét l’trotte,
Arîngi s’n’homme, comme s’il estét môrt estant plain.
Quand il a ieu pettét s’plangére,
I s’restint, drouve sés ouyes, ét r’woéte tout saisi !
— « Quoès’qué c’est d’ça pou în d’allâche, disti ?
« Est-ce qué j’srèt môrt dain m’chique, eiét d’ja in infierre,
« Eièt Magritte veuve despu hière ? »
Là d’su s’feume vint, afutée drôl’démint :