Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/60

54

LES FAUFES DÈ J. LAFONTAINE.

I fiét c’jou là n’châleure d’infierre,
Et sû s’voye là nia rin à boère ;
Lé Rnau li dit : camarade achoutét :
« Vo voéyét bin q’parci, i nia pont d’cabaret,
« Et quand n’iaurét co iun, hier j’ai pettét n’banboche,
« Comme dé jusse aujourd’hu, i nia pu d’liards dain m’poche !
« I nia droci in pusse, d’esquindons rade dédain !
« No d’allons boère pou rin, bin tranquie comme Batisse !
— Lés zév’la à tuté…, quand il ont ieu sti plains,
— Lé Rnau dit : « c’est qui n’faut né couyonné l’service !
« I m’chenne qué c’nest co rin, d’iesse rimpli comme i faut,
« Asteure i faut cachi à vudi haure du trau !
« Clappe tès pids conte ell’mûr, ét r’lèfe tés coines in l’aire,
« Jé m’va grippé su t’dos !
« In coup q’jé srai vudi eîét q’jé virai claire,
« Jé t’sach’rai haure, intinse vi sto ?
L’Bouc li respond biesse comme in pot :
— « Bin t’n’a qu’â m’printe pa m’baube ! ét d’sét q’jai ieu dé l’chance,
« D’iesse cheû avét in fin comme ti,
« J’auret bin cachi sain minti,
« Sain savoé invinté enne pareye avisance. »
— Lé Rnau arrife au d’zeu, i leye ell’Bouc dain l’trau !
Pou s’foute dé li à pîd à ch’fau :
I li dit : « tu doés printe patîeince,
« Démoin, j’véraî terquai, intin-se !
« Tu pou bin boère in m’atindant,
« Woéte dé n’né iesse soû in vudant !
« Achoute bin : si tavét, dain t’tiesse ostant d’idée,
« Q’tas d’poèyes dain l’gatte qui pind pa d’zous t’minton,
« Tû n’m’aurét né choutet ! pou boère dé leuwe wastée,
« Tu n’srét né desquindu dain in pusse si perfond !
« Mi j’sû haure, jé m’in fout, ét j’nai né l’tins d’t’attinde,
« Jai n’commission à fai, p’tette qué j’erpass’rai d’moin,
« Woète dé t’satchi ti méme, ou bin si passe enne binde,
« Crie aprèt, qui venne nu, pou t’donné in coup d’moin. »