Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/46

Èn årtike di Wikisource.
Cisse pådje ci a stî acertinêye pa deus contribouweus.
40
LES FAUFES DÈ J. LAFONTAINE.

Souvint les parvénus, s’moussent nu lés pu hargneux,
Les sots s’coéye nu malins, l’mau nourri d’vint narreux !
In homme qui n’connait rin, vo stourdi pa s’vintrie,
In p’tit pétron d’Bourgeoés, s’coét n’saquoé toute ess’vie !
On pou fai l’tour du monde, et l’guerre sain rin avoét,
Comme on pou s’casser l’cou, in chéyant d’in baudet.


L’BAUDÉT KERCHI DÉ S’PONGES EIÉT L’BAUDÉT KERCHI D’SÉ.

(L’Ane chargé d’éponges et l’Âne chargé de sel.)

In baud’li, s’n’escorie dain s’moin,
Moinnet deux baudets su l’chémoîn,
L’preumi kerchi desponges, d’allet comme in fœu d’paye !
L’aute kerchi d’sé, s’féyét sat’chi l’oraye,
I d’avet s’ketche ! comme no d’sons l’pu souvin.
Les zév’la d’lé in Rii ! faut passé outte dé l’roye !
L’baud’li grippe su l’baudet kerchi avet les sponges,
In choufflant, su s’dos i s’berlonge,
L’sin avet l’sé, pa d’vant, d’allet leu moustré l’voye !
Dain leuwe i voët l’coup d’tins, i s’leye chaire dain in trau !
Tout s’sé fond comme in bouquet d’bure !
R’vint au d’zeu, pette à gaye, deskerchi comme i faut.
Mai l’aute baudet bin fel vout l’chure !
Dain l’trau les zév’la tous les toës :
L’baud’li, les sponges, eiét l’baudet !
Eièt ostant iun q’laute on boét.
Lés sponges devenne nu p’santes l’baudet s’desbat, pestelle,
I fai les cumulets d’in péchon dain n’payelle !
Mai pont d’affaire, i va noyi !
I va à fond eiét i puge,