« Aboutét l’ruche droci, ét in deux partagelle,
« D’dain ch’qu’n’un d’nô costét, fions rade in scallot d’mielle ?
— Les bourdons ont chittét ! i sintint v’ni l’ognon !
In chittant i moustrint : qui n’estint q’dés angons.
C’fauve ci no mousse enn’doube lesson :
C’est qui pourrét vali, qu’in procès, qu’enne disputte,
S’arring’ret à c’mode ci, ça s’rét fini tout d’chutte !
— « Et q’cest s’tau mûr qu’on voét l’masson.
IN DUÉLE A BOÊRE AU PU !
Léon in jou d’sét à Louis :
« Vo d’vét bin in vouloé, à vo pa, à vo mame !
« Enne pinte dé bire pour vous, c’est d’quoé bin vo rimpli ;
Ét l’moinse pétite goutte dé skidame,
Qu’in gârçon vèrét vo chiervi,
Vo frét rinde à s’quetter vo vinte !
« Et ça tins qué m’vessie, copu l’auche qu’in tonia,
« Non contenne dé s’rimpli, dé ch’nique, ou d’ratafia,
« Pout stranner copu d’cinquante pintes ! —
« Tout grawe dain vo goyi ! tout m’chenne comme du lachat !
« Si vo v’ni avét mi, boère tins zin-tins n’potée,
« Qué j’vô z’avalle dé n’seûle hoûfée !
« J’vo frét bin boêre comme ell’ rouchat !
« J’vo z’apperdrét in fiant m’tournée :
« Mai vo dallét, au pu souvint,
« Tout seû, boère in d’mi verre, dain l’fond d’in sâle bouzin ;
