Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/31

Èn årtike di Wikisource.
Cisse pådje ci a stî acertinêye pa deus contribouweus.
LIVRE I.
25

« Spochi comme enne figotte, pau gros martia d’Couyet !
« Qué moéyin d’in vudi dain in pareye dallache ?
I crie rade après l’mort, pou iesse desbarrassi !
Mai quand il l’a ieu vu, il a sti bin saisi !
— « Vo m’appélet, distelle, quoé v’léz co à vô n’âche ?
«  C’estèt pour m’donner n’moin pou merkerchi d’é m’bot,
Disti, in ossant comme enne fouye,
Et in l’woètant dain l’trau d’sés ouyes !
« Vo n’tardrèt toudi pu à m’sat’chi l’pia du dos.

MORALE :

Si malhûreux qu’on fuche, on vout toudi dallé,
Maugré q’tertous sû terre, nô n’estons q’des martîres !
Eiét comme el’proverbe on z’a bin raisô d’dire :
Putôt petté q’crévé.

REFLEXIONS :

Oyi, lés geins ont peu d’môri,
Mai i n’in sont q’pu biesse !
Pasqu’aprèt tout c’nest q’s’indôrmi,
Pou toudi !
Et s’qu’on z’a peû d’allé couchi ?
Mai c’est s’qu’on leû stiche dain leû tiesse !
Lès contes, les babiolles du curét :
« Gâre à vous autes ! vô stét dannét !
« Scôrchi, rosti, brulét !
Purgatoére ! et flammes dé l’infierre !
Des diales à coines ! r’vénants, sôrcierres !
Vî, on voét qu’on est s’tingeusét !
Mai il in d’meure toudi n’saquoè !
Bin s’qu’on z’a peû d’véni au monde ?
C’tostant naturéle dè pârti,
Et t’taussi augile qué d’véni !