Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/21

Èn årtike di Wikisource.
Cisse pådje ci a stî acertinêye pa deus contribouweus.
LIVRE I.
15
MORALE :

Nia rin d’si bia q’iesse ritche, d’awoët in bia impoèt,
Mai si ça toûne maû ! gare la bombe !
Chéyet, vo stét moins q’rin ! et d’vint vô sti n’saquoèt,
L’solia vint lûre à costèt d’l’ombe !
C’est què l’sin qui chai d’haut,
Pou toudi s’fai brâmmin pu d’maû.


L’LEU EIÉT L’CHIN.

(Le Loup et le Chien.)

In leu n’avèt q’les ochats eiét l’pia,
Faûce que l’gêue des chins estét bonne.
No leu rinconte in doque, t’aussi cra qu’in jônne via
Qu’estét pierdu par là et qui cachèt s’mogeonne !
Li foutte enne trampe eiét l’mingi,
C’est s’t’ainsi qui v’lèt l’aringi,
Mai i fallêt toûrsi n’miette,
Eièt l’mântin vo l’liaurèt p’tette,
Foutu n’roulée dé permission !
V’la l’leu qu’intame conversâtion.
Li fai bin complimint su s’gréce,
— Oh ! achoute bin : si tu v’lèt, séce,
« T’pourrèt bin iesse t’taussi cra q’mi, respond ti l’chin,
« Leye là tés bots ! ça n’té vaut rin,
« Drolà vô stèt tertous minâbes,
« Vo stèt sètches comme dés misérâbes,
« Et pou vo soulagi, i vô faut crèvé d’foin !