Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/200

194

LES COUYONNADES DU VI TINS.

Mai ça n’pou né pourtant continué ainsi,
In jou i faura prinde ell’voye dé l’cimintière.
In arrivant lauvau, vo srét tertous saisis,
Q’sint Pierre vo moustel’ra : ell’bawette dé l’infierre.

Et quand vo zaurét sti rostis cinque chi cint zins,
Vo r’viq’ret pou moustré l’résurrection dé l’chaire :
Vo pids, vo moins, vo tiesses, vos ochats et vo dînts !
Et surtout les pechis q’vo zaurét fai su terre.

Vo zintindrét l’bon Diœu crîi : curét Paulot,
À l’ville haute dé vo tins qu’avez fai d’vo zouayes ?
Jé m’racrapotte, jé m’muche dain m’soutane drî vo dos,
Pou cachi qui n’voye né seul’min l’bout d’més orayes.

Elles sont cuttes ! i voét tout ! allo, curét Paulot,
Dira ti co in coup, moustr’in pau vo tonsure !
Jé m’raboulotte tout p’tit sain choufflé in seûle mot,
V’là l’tour qué vo m’jouét, vo poulét bien iesse sûre.

Au toésième coup pourtant au nô d’curét Paulot,
I faura bin q’jé m’leffe, eiét q’jé mousse emme tiesse !
J’li respondrai : bon Diœu jé vo rind vos bédots,
Vo m’lés zavi d’net biesses, eh bin j’vo les rind biesses.

Amen !

FIN.