COUYONNADES DU VI TINS.
L’MORT BATISSE A QUINQUET,
RACONTÉE PA FRANÇOÉT MANGEPET D’LAVERVAU.
Nô sôrtint justémint dé l’pôrte dé Marcinelle !
Il estét su s’bégnon, et n’binde dé sés amis,
Enne choufflint né in mot, achis à costét d’li !
I chuvét tout môrsif, ell’ m’waiche voye dé l’Ausprelles,
Eiét s’moin su l’gôria, léyét r’chaire lés cordelles.
Sés bia ch’faux qu’on voéyét rugiles comme dés démons,
Quand i fallét sat’chi, soét l’châr ou bin l’bégnon,
Estint péneux c’joû là, il avint l’aire tout trisse ;
Vo z’auri dit qui v’lint fai comme leû moèse Batisse.
In bru qui vudèt d’Sambe no z’a tertous strindus !
Jugét q’jusqu’à Montegnét on l’avét intindu !
Pu du costét d’Couyet enne voéx s’a fai intinte,
Pou responde au grand bru ! i comincét à strinte !
No n’aurint né co fai enne vesse pou dix-huite sous,
Eiét les ch’faux Batisse estint tout sin su d’sous,
Sambe comince à monté, lés euwes dévenne nu grosses,
Et i v’net enne esqueume comme su l’bierre Madame Josse.