« Rindemme emme foîm, emme somme, eiét m’voéx d’basse,
« Eiét r’perdét vô pîcayions. »
Stichét vous bin tertous dain l’tiesse :
Qué l’contintemint, passe ell’richesse.
L’LION, L’LEU EIÉT LÉ RNAU.
In vî Lion battét l’berloque !
Les autes é biesses fieint tout, pou cô l’ermelte su pid :
I’l’linfardèlint s’tiesse, dain d’lestoupe et des loques,
Eiét l’chipette dé s’queuwe, dain n’cawotte dé papi ;
Nia rin à fai quand on d’vint vî !
In Leû pou rabladé, li fai coère comme in lache,
« Q’tous sés racrots lî v’nint du R’nau !
« Qui né l’vénét né vire ! q’çai in rin, enne ganache,
« Qui fallét l’estouffi dain s’trau ! »
— Mai l’Lion n’chai né dain l’panneau :
Il évoye quai lé Rnau, à dadaye, à berwette,
Pou li pârlé à deux doégts dé s’barette !
« Pouquoé, disti, s’qu’on n’vo voét né couri,
« Pou tappé vo grain, d’sè, pou m’sogni dain m’d’allache ?
— « Pouquoé, disti lé R’nau ? Bin j’estét in voéyache,
« Pou vo ravigoté, vo r’tappé, vo r’guerri !
« On m’a moustrét, avét dé l’croye :
« Qui vo fallét du niers, dé l’jônnesse et du fœu !
