« I m’chenne qué c’nest né l’diabe,
« D’alvé dés jonnes dé pouyes, dain l’pachi dé m’vi pa!
Lé Rnau s’ra bin arabe,
Si n’m’in leye né assét, pou z’avoét in pourcbat,
Qué j’acrach’rai avét dés pélattes dé navia!
Françoet Quintin, dira, pou l’quai, li même à l’foère,
Jé li r’vind pou cint francs! i m’chenne qué c’est bin bia!
Et pù, dain no p’tit staule, pour mi, jé vout bin l’coère :
Nô pourint co bin mette, enne vat’che et in Gadlot,
Qué j’virai gibotté au mitant d’més Bédots.
Mai v’là Mayanne qui chai! eiét l’sé fout deux bouyes!
Ell’pourchat est s’tau diâle! ell’vat’che eiét lés pouyes!
Elle estet anoyeuse, elle estet aux aboèts,
D’vire ess’bia pot, dain lés berdouyes!
Quand elle a racontét l’histoère à s'n'homme Françoét,
I vo lia foutu n’fameuse douye!
Copu d’toés moés apret, tous les geins du Monchat,
Couyonnint co Mayanne, à propos dé s’lachat.
HISTOÈRE DÉ DEUX COLAUS.
Deux coqs viquint contints, comme deux colaus échenne.
Enne pouyette vint, et v’la l’brouye inte ieuses deux,
I s’batte nu comme deux chins, pou iesse ess’n’amoureux!
Coups d’betche et d’espourons ! zeffants qué rigodenne!
Pu d’enne poûye pou vire ça, estét grippée su l’tienne.
I toursint qui d’estint rindus!
A l’fin nia iun qu’a ieu s’doublure!
Il est d’allèt s’muchi, desplomèt, tout pierdus,
