Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/105

Èn årtike di Wikisource.
Cisse pådje ci a stî acertinêye pa deus contribouweus.
LIVRE VI.
99

N’saqui leû d’sét : « l’Nation est co bin sotte,
« Eiét pa n’faufe jé m’va l’moustré :
« L’Soliâ in joû a v’lû s’mârrié !
« In bru vude dés richots, dés fosséts, dés berdouyes !
« C’estét l’rasse dés Guernouyes,
« Qui r’clamint au bon Diœu, qui n’donne né s’consintemint.
« Iun c’est d’jà trop, d’sint elles, pou no p’tit contintemint,
« L’estét no stons mitant rosties !
« Quoé d’véronne s’il a dé l’famie ?
« Sû nô pia si fai lure toute ess’chilée d’effants !
« Qui s’ront tertous au pû cûgeants !
« Pu pont d’rii ni d’fossét, et Sambe s’ra desséchie,
« No rasse pou fai s’paquét, pu pont d’euwe, pu pont d’vie. »

MORALE :

Nô voéyons s’erproduire ell’rasse dés espoéteux,
Comme politique, ou bin r’ligieux !
Biesses assét nô payons, no fétons leû n’engeance !
Lés moèches è zieppes créche nu toudi in abondance.


L’CHIN QUI LACHE ESS’BOUQUET DAIN L’PIÉTON.

(Le Chien qui lâche sa proie pour l’ombre.)

In Chin ranch’néi d’lé l’Piéton,
Avet n’tartenne dain s’mouzon !
Mai v’là q’dain l’euwe i dé voét lombe,
Toés coups t’taussi s’pesse qué s’bouquét !
« Oh ! oh ! disti, à mi l’paquet ! »
I lache ess’crousse, i puge, i drouve ess’geue toute crompe !