Comme Caracot vindét brammin,
I cherriét d’l’houye su s’dos, du matin jusqu’au soère,
Et i d’a bin rade ieu s’contint !
I r’comince co à brère !
Mai l’bon Diœu co pu rade,
Li respond in colère :
« Halté là camarade !
« Coéresse qué t’n’à qu’à brère, pou qué j’vienne t’apougi ?
« Bin tu t’trompes brammin sése emm’fi !
« T’n’est qu’in vrai prope à rin, in vi tiestu d’Baudét,
« Et t’est pu malaugile, et pu rouyant qu’in roé !
« Coèresse qué t’est tout seû, qu’est malhûreux su terre ?
« T’est s’t’in malin va tî ! pôrte tu bin et arvoère. »
Il avét bin raiso ! à t’nouye, oh ! ti Gustin ?
Tous les geins sont ainsi, i n’sont jamai contints !
On pinse toudi qu’on z’est pu fayet q’tous lés autes,
Nô r’clamons tous les joûs l’bon Diœu et sés apôtes,
Et si no zévoyét s’qué nô v’nons li r’clamé,
Jé wage qui niaurét co, qui dirint… l’l’imbété.
LES GUERNOUYES EIÉT L’SOLIA.
A l’nosse din impereûre, qui n’estét qu’in despotte !
Comme i l’sont à pau prêt t’tertous !
Les geins chantint, dancint, in banboche eiét soûs !
Dain tout l’payi c’nai qu’enne ribotte !
