L’VI BOULOMME EIÉT S’BAUDET.
In Baudli ét s’Baudét, passint dain in pachi,
L’vi boulomme qu’estét s’cran, s’tappe su lieppe et s’achi.
L’Baudet n’in fai né moinse, interre dédain s’qua s’vinte,
S’coutrouye, gibolte, comince à printe ;
Et i sarquelle sain rin intinte.
L’innemi arrife du coup ! v’là l’vi boulomme su pid !
« Vins, disti, despéche tu, ou bin nos estons prîs !
« Et no d’aurint enne setche !
— « Pouquoé, disti l’Baudét, vasét mi j’nai né peû,
« J’démeure drocî, r’varsét tout seû :
« In mé f’ront né pu q’ti, sat’chi su n’si faute kétche !
« T’na né dangi d’iesse moé Francoét :
« Ette n’innemi, sése,
« Et bin c’est t’moèse !
« Eiét j’té l’dit in plat patoés.
Quand si jusse in Baudet no pâle,
No n’avons né d’angi d’morâle.
L’LIÉFE EIÉT L’TORTUE.
Boutons zé co iune su les Lieffes,
Qu’est starrivée dain n’piesse dé treffes :
