Les portraits faits ainsi vis sont si bin d’adreu,
Qui v’ dirîz qu’on a pris li gint fou d’on mureu.
Avou l’ cloque à plonquêt, on s’ pormonne è fond d’ laiwe,
Et l’ plonkeut v’nant à joû ni pinséz nin qu’i s’ saiwe,
Il est sèche comme li pour.
Sins troque on fait dè vin,
Comme sins houbion, del bire et dè pèquet sins grain.
On margoulaie so tot et z’el fait-on timpesse,
Il avisse qu’on n’ qwire pus qu’à nos fer intrer l’ pesse
È coirp. Les marchotais tot comme les gros marchant,
E rôlet so peu d’ôr, alléze veie leu ridan.
On donne les pus hauts prix po des tasse kifindowe,
Des hârdaiès assiette et des pailette sins cowe ;
Po des ktapés ârmâ, tot vîs, tot viermoïeux,
C’ess t’ainsi qu’on les r’qwire, c’est cesla les mèieux.
C’est des antiquité, diss-t-on, mais à qui l’ fâte
S’on n’a pus dè gosse qui po l’s’ affaire à brébâte ?
Alôrss pusqu’i c’est l’ môde, vive les boquets d’ tavlai
Les vîx coffe, les vîx meube, enfin les vîx hervai.
Li pour estant knohou, po n’ nin dmani st’à drî,
I falléve à l’habeie trover quéqu’ saquoi d’mî :
Ine saquoi d’ mî ! dihans ine saquoi d’ pé, pus vite.
On nn’è trova plugeur dè genre del dynamite.
