Pådje:Henri Simon - Li pan dè bon Diu, 1935 (2e ed., recueil complet, préface et glossaire de Jean Haust).djvu/81

Èn årtike di Wikisource.
Cisse pådje ci n’ a nén co stî coridjeye

èt, la qui F tchinne riplôye, on côp d’ hèpe bin mètou lî vint racrèhe si plàye tot lî r’hapant dèl fwèce. On dièrain côp d’ gorê, lès-omes è sèront maîsses ! Ossu, vola qu’èl keûhisté dèl matinêye, on-z-ôt wîgnî ’ne saqwè, londjinn’mint, come ine plainte. Li tchinne sabat’ d’ine pèce, li crèstê rèsdondih ironie, dismètant qu’on groûlèdje di tonîre, si stárant d’zeû lès bwès, va mori d’vins lès vàs. Èt, so F campagne, li labureû, pris come d’ine hisse, arèstêye sès deûs dj’vâs po loukî vès lès tiérs… èt V tére Èl pièce di l’adjèyant, c’èst come on trô so V cîr… U orne compris, rataque si rôye, èt, mâgré lu, ritape a tot côp bon sès-oûy, la, vès F crèstê : c’èst qu’i r’sint d’vintrinn’mint li r’grèt qu’on-z-a dè piède ine saqwè qui v’s-at’néve, — qu’on n’ riveûrè mây pus. a 1909

Li r’vindje di l’åbe

Èt, qwand c’èst qui l’ vî tchinne fourit ståré so l’ tére,
lès-ovrîs hapît ’ne mohe èt, fîrs di leû-z-ovrèdje,
ranov’lît inte di zèls çou qu’ènn’ avît vèyou
po l’aveûr å réz d’ la. « Mins l’eûre passe ! » dèrit l’ maîsse…
Rade on r’prind sès-ustèyes èt, sins minme si r’toûrner
so l’ pauve cwér sitindou, vo-lès-la qu’ènnè vont
po r’gangnî lès lisîres… L’ åbe dimana tôt seû…
Èt la, èl keûhisté qu’on n’ rèsconteûre qu’è bwès,
on s’eûhe crèyou d’vins ’ne plèce la qu’on veûyèye on mwért…
Mins l’vèye ni stantchèye måy : lès-oûhês ravolît,
rik’mincît leûs tchant’rèyes ; li vîle tére fèrit ’ne fwèce
èt lès bouhons spatés ridrèssît leûs ramayes
qui s’ mètît a r’vèrdi. Dè long dè bodje di l’åbe,
dès fleûrs di bwès crèhît, tot fî parèyes ås cisses
qu’on plante so lès sårcôs dès djins qu’on-z-a pièrdou,
èt c’è-st-èn on busquèt qu’ l’adjèyant s’èdwèrma…