— L'ome èst dèdja so l' soû : « — Awè ! c'èst bin l' nîvaye !
Èl vèyez-v', la d'å lon
acori so nos-autes, come on djônê qui same?
èl vèyez-v' s'ètèsser ? »
Ossu, so må pô d'tins, li tére ni sèrè pus
qu'ine grande blanke sitárêye,
qui lès håyes èt lès bwès, lès-âbes èt lès bouhons
marquèt d'ine tètche blouwisse. Asteûre i pout djaler : vola l' grain qu'èst foû sogne.
I va houri, pâhûle,
tant qui l' solo d'avri lî dèye tot l' disfûlant :
« Ti pous crèhe a t' sonlant ! »
V
Avri
Li spitant meuûs d'avri fait d'dja sclater so l' håye
tos lès p'tits-oûy tinrûles qui l' frudeûr èdwèrma;
èt, dismètant qu'èl wêde li wazon radjonnih
èt stitche vès l' tchaud solo sès djètons si fråhûles,
li bwès, qu'on veût d'à Ion, s'èwal'pêye d'ine brouheûr d'on rodje sètchant so l' vért, qui rapinse li fouyèdje. Li tos lès Lès-oûhês sont rim'nous : on-z-ôt d'vins lès bouhons qui r'cwèrdèt leûs pus doûzès tchansons po l'frumèle qui cotèye èt qwîrt a mète sès-oûs. C'èst l' prétins. Tot ravike ! èt l' pauve grain, qui l' djalêye aveût tant rascráwé, si r'iîve, come on malàde qui k'mince a s' rihaper d'ine tènisse maladèye. Mins 1' mateûr lî fait f ate : ossu l' Ci qu'èst la-d'zeûr a d'dja compris s' misère èt, come s'ifahe on sène, la, dè costé d'bon vint, lès nûlêyes acorèt èt l' plêve tome, doûce èt tchaude, inte deûs-êres di solo, L'êwe èt l'feû s'acoplèt po rinde dèl fwèce al tére : li séve monte, li grain crèh, vèrdih èt s'aboh'nêye. tos lès mayes,
