Cisse pådje ci a stî coridjeye ey est l’ minme ki l’ sicanaedje.
LES BIÈSSES MALADES DÈ L’PESSE [1].
(LIVE VII, FAVE I.)
On mâ qui fait les cours tocter,
Mâ qu’Dièwe, on joû di mâvasté,
Trova po fer spani ses pèchis à noss’ terre,
Li pess’ (pusqui ji deus l’baptiser di s’vrèie no),
Qu’est à mêm’ so quéqu’ joûs di nos èterrer tos,
Féve âs pauvès bièss in’ fell’ guérre.
Ell’ ni morît nin tôt’, mais turtot’ malârdît :
On n’è veyév’ noll’ po s’aidî,
A lanwi quéquès heur’, lum’ciner hâre ou hotte ;
Nou boquet n’gostéve à l’pus glotte.
Li r’nâ n’alléf pus à l’affut
D’in’ pauv’ poillette èrî di s’vôie ;
- ↑ Ja mettou ottant d’vers qui La Fontaine, nè pus nè mon dè l’même meseure, et j’a t’arringî les rîmes, mâles ou frumelles, tot fin pareie qui lu.
