Cisse pådje ci a stî coridjeye ey est l’ minme ki l’ sicanaedje.
Li vîx clotchî d’St d’Jean !
par
Louis Loiseau
Musique de Fernand Lhoneux
Chanté au théâtre Malibran d’Ixelles, le 6 novembre 1892.
par M. Jules Robert.
Les viès pîr’ ont leus place ès l’histoère,
Didins chaqu’ ville i gn’a des monumints
Qui sont d’mèrés po nos rappèler l’gloère
Di nos aïeux, di nos bons vîx parints !
Noss’ vîx Nameur à ses èffants mosterre
Comme on’ sov’nance one èglige on clotchî !
Quand on l’rivoèt on a l’cœur qui s’risserre,
Choûtant les cloqu’ on d’meûr’ tot à sondgî !
Gn’a l’tiess’ qui bat l’berloque
On a l’cœur tot trônnant,
Quand on ètind l’gross’ cloque
Do vîx clotchî d’St d’Jean.
Quand on ètind l’gross’ cloque
Do vîx clotchî d’St d’Jean.
