Bondjoû, bondjoû, Marie, ô Sainte, èt boune, èt bèle,
qui l’Grand-Maîsse a tchwèsi èture mille bauchèles
po pwarter dins Vosse choû
l’Efant qui tas les djoûs
nos fyans moru su l’Crwèx.
Ô Sainte Marie, ô Moman do Bon-Diè,
si-Vos-plait, causez-Lî, à Vosse Fi, por nos ôtes
laids-waîtes èt pôvès-mivés, pu doûrnisses qui mèchants,
èt quand, po todis, nos clôrans nos oûyes,
fuchîz-là, Marie, èt mostrez-nos l’vôye,
Amen !
Tot au d’ dilon dèl ruwalète,
On djoû qui l’ Prétimps soriait,
Dj’avais coudu des violettes ;
Dji vos èn’ n-a fait on bouquet.
Di ç’djoû-là li ptite fleûr sauvadje,
Fleûr flanîe, c’est bon signe, dis-t-on,
Si strîle si fwârt à vosse cwârsadje
Qui n’è dmeur’rèt bintôt pupon !
L’hivièr ossi tchess’rè l’ fleûrète,
Mins au fond d’vos ouyes — les pu bias —
Dji vous r’trouver des violettes,
Des violettes èt do solia !
