Pådje:Annuaire de la Société liégeoise de Littérature wallonne, 1895, vol. 15.djvu/140

Èn årtike di Wikisource.
Cisse pådje ci a stî coridjeye ey est l’ minme ki l’ sicanaedje.
— 128 —

Mains nosse présidint a riknohou nosse dreut qwand c’est qu’on a jâsé l’ flamind voci po l’prumi côp.

Rapinsez-v’s è bin : ça stou à l’sèance dè 26 di nôvimbe di l’an passé.

Adon puis divins les cis qui ji r’présinte, enne a co trasse et trasse qui n’comprindet wère pus l’fransquillon qui l’wastatte. Et pusqui ji vous fer rik’nohe les dreuts di nosse bon vix lingage, ji jâs’rè comme mi mère m’a appris.

Po bin k’mincî, ji tins à dire qui ji sos lon dè r’gretter les hoppais d’cens qu’on donne po les lîves et les théâtes flaminds : nos caqu’rans todis des mains chaque fèye qu’on frè ’n saquoi po l’bin dè peûpe. C’est qui, à costé di nos frés Flaminds, nos avans nos frés Wallons.

On n’el deut nin roûvî.

Ji creus qu’affaire di Sociètés d’littérature, on fait à pau près po onque comme po l’aute.

Mains â fait d’théâtes, ci n’est wère li même jowe.

On n’accoide qui qwatte pitits houlés mèyes di francs âx Wallons, dismetant qu’âx Flaminds, on fait l’pârt belle et lâge : 22.000, c’est leu lot ! On donne 500 francs a onque di nos théâtes wallons et so c’timps-là, 8.000 ennè vont â Théâte flamind d’Brusselles, 5.000 â ci d’Anvers et 5.000 â ci d’Gand, sins co compter les à-bon-dreut des Sociètés qui n’mâquet nin di les r’clamer et qui l’atrappet tos côps bons.

Ji n’a nin co jâsé di l’académèye flaminde qui rascôye 19.000 francs, et dès vîx papî scrits è flamind qui costet tos l’s ans 5.000 francs à