Pådje:Alphonse Tilkin - Li pondeu wallon (Le Cri de Liège, 29.10.1912).png/1

Èn årtike di Wikisource.
Cisse pådje ci a stî coridjeye ey est l’ minme ki l’ sicanaedje.
Li pondeu wallon

Ine fèye qu’arive li bone saison,
On l’riveut gâyelotant ’ne facâde,
I blague ou tchante come on pinson,
On creureut qu’i done ine ombâde.

Si breusse va so l’air di s’chanson,
Si djinner, lu ! sûr qu’i n’a wâde,
Il est del famille des lum’çons
Et n’est bon qu’po ses couyonâdes.

Si l’hasârd amone on planquet,
El houke et, sins d’jinne, qwite l’ovrèdje
Po-z-aler houmer quéqu’s tchiquets…

I r’vint ’ne gote après, halcotant,
Et si mâye si maisse mone l’arêdje,
I d’jeûre et… lais l’bazâr en plan.


Alph. Tilkin