Margachà dihév’ qui Baiwir
Esteut l'homm’ dè l'situation.
Il a l'soffla ;
I gn'a qu'cila
Qui seûy' bon là
Po taper l's aut’ à plat !
I no fât noss Baiwir,
Po r’wèri Harbouya !
Po taper l's aut’ à plat !
I no fât noss Baiwir,
Po r’wèri Harbouya !
BAIWIR.
Air : Fanfan la Tutipe.
Sèreut-c’ ti qu'vinreut m'l'apprinde ?
On nos k'noh' di pére en fi.
Mais tes malic’, blanc d'sos l'vinte,
Sont cosow’ di trop gros fi.
Ji n'vous nin qu'on m'dâr so les coisses
Ottant d'côps qu’ les aut’ ont aou.
CRAHAY.
‘l'a n'gazette à cou,
Il a paou
D'ess battou ;
Baiwir vout,
Mais i n'oîsse !
Qué crân’, qué fendant,
Ci Baiwir!
I s'sâv’ qwand’ l’ôt dire :
En avant!
(Parlé.)
Crahay, jè l'vous bin creûr’, n'a nin sogn' des gazettes.
Ci n’est nin po Crahay qu'on freut sonner l'trompette.
