Viyès tecnikes
Dji m’ rapele vågmint aveur co veyou on vijhén ou l’ ôte ki chnikéve so l’ bok [bauder, frapper l’épi des céréales sur un bois pour épier sans abimer la paille]].
Des ôtes k’ i gn a batént co å flayea, so l’ aire di gregne (daegn, batire).
Après ça, i tapént l’ dinrêye dins l’ raidje [{{lang|fr|tamis] k’ esteut pindou avou ene grande tchinne a on sômî ou al tcherpinte. Adon, avou on mouvmint bén a pårt, i vanént ddja ene grande pårteye des payes [{{lang|fr|balles de céréale] foû del dinrêye. Après ça, i l’ ripassént å ptit van d’ oizires ki, lu avou, dimandéve on toû d’ mwin speciå. Des ôtes avént ddja on grand van k’ on loméve eto on diåle [{{lang|fr|tarare].
Les prumirès bateuses n’ estént nén bråmint pus grosses k’ on grand van. Elle avént ene manike di tchaeke costé avou ene grande rowe dintêye k’ è fjheut tourner ene pus ptite so l’ aessi do batoe [{{lang|fr|axe du battoir]. I faleut deus foirts omes po tni l’ mouvmint.
C’ esteut on batoe ås brotches ey on n’ egrinnéve ki les påtes del djåbe. Voci, avou, i faleut passer l’ dinrêye å raidje, å ptit ou å grand van. Les cinsîs k’ avént ddja ene pus grosse bateuse li fjhént tourner avou on manedje accioné par deus tchvås ou deus boûs. C’ esteut on sistinme on pô comparåbe azès tchvås d’ bwès d’ dicåce [{{lang|fr|carousel], mins a l’ evier. C’ est les tchvås, e tournant, ki fjhént l’ foice motrece po fé aler l’ bateuse ou l’ hacseloe [{{lang|fr|hachoir].
Djåzans on pô asteure do bataedje lu-minme. Li djoû di dvant, on-z aprestéve les satch et on fjheut on hopea di dobes rawetes [{{lang|fr|liens] avou deus pougneyes di strin d’ grin [{{lang|fr|seigle] ranukêyes al påte. Po bén aler, i faleut sey ene ekipe di cwate djins po bate. Gn av onk so l’ taes sol moye, li tapeu. N av l’ egrinneu sol machene a bate, et deus ôtes po loyî les strins et waitî azès saetchs, les loyeus. Cwand on bateut ene moye, i gn av co sovint on cénkinme ki rifjheut l’ moye di strin ou bén ki tcherdjive d’ on côp so les tchårs. Li pus laide des plaeces, c’ esteut les loyeus k’ estént tote djoû al gueuye del machene. I magnént tote li poûssire et les lamsons [{{lang|fr|laiterons]. Des côps ossu, li tchamossî ki moussive foû des dinrêyes, k’ avént tchåfé al rintrêye. Ça lzî hapéve [{{lang|fr|irritait] al goidje. C’ est ossu zels et l’ egrinneu k’estént pikés des tcherdons, bén setchs adon.
On-z av li grinne et li strin, mins on av avou les payes [{{lang|fr|balles]. Les cenes di frumint, di blé [{{lang|fr|épeautre] et d’ avoenne, on les wårdéve po fôrer les biesses. Les poûfrins do grin et do oidje [{{lang|fr|orge], on les broûléve. Les payetes [{{lang|fr|balles] d’ avoenne siervént, avou, a rimpli les payasses des léts ki fjhént ofice di matrasse. Dji vs sai acertiner k’ on av bén bon et bén tchôd dins ces payasses la. Li rujhe, c’ esteut les poûssires po les femes les rnetyî.
Cwand on bateut les cawes-di-rat [{{lang|fr|féole], on droveut les vans å pus grand po n’ nén aspirer les sminces. Divant k’ on n’ vinde les botleuses [{{lang|fr|presses à paille], des cis k’ i gn a dismontént l’ loyeu del loyeuse et l’ metént al sôrteye del bateuse, et avou ene grande tchinne ey on pignon al bateuse, i fjhént des grossès djåbes di strin. C’ esteut do sistinme D !
On-z a vindou e ç’ tins la des gros loyeus pareys azès cis d’ loyeuse, ki fjhént des pus grossès botes. Ça n’ a waire duré. Les botleuses a ene ou deus coides ont-st arivé sol martchî, ey ont-st avou on gros succès. Ele sipårgnént del mwin d’ ouve.
Al sôrteye des botleuses on-z av ene rampe ki montéve les botes disca troes metes hôt, direk sol tchår. A pårti d’ adon, les bateuses ont tot doûçmint passé al feraye, come bråmint des ôtes machenes, ça fwait.
On fjheut del hacsele avou li strin d’ frumint et d’ blé po fé l’ fôre [{{lang|fr|affouragement] azès tchvås. On l’ maxhive avou l’ avoenne et l’ soucrema ou soucrapaye. C’ esteut des payetes di lén maxheyes avou del melasse. Ça av bon gosse ey ene boune odeur, et les tchvås s’ è raspepiént.