Lu bîhe èt l'solo su margayint po saveûr lu kéle dès deus' èsteût l'pus fwèrt.
– Mi, dju pous coûkî lès-åbes, råyî lès teûts, èt totes lès-ôtès aféres.
– V's-èstoz bin grandiveûse, mu sonle-t-i. Dju n'sos nin sôdår come vos, mins i m'sonle ku c'èst MI k'lès dgins respèt'tèt l' pus'.
Adon ariva on voyèdjeû bin èwalpé è n'one neûre cape.
Is f'zont l'èwadjeûre du saveûr kî parvinrè à lî fé wèster s' mous'mint.
C'èst l'bîhe k'ataka. Hoûlant, soflant, sayant d'råyî lu caban. Mins l'ome nu f'za ku s'rakafougnî èt toûrner l'dos po s'wèrander do sofla. Après tant d'fwèce, lu bîhe vèya k'èle nu gangn'rèt.
Çou ki fé ku l'solo prinda s'toûr. I k'minça tot doûc'mint : sès rès dum'nint tènes. Çoula n'duna nole rèyackcion do voyèdjeû. Adon, i d'va tchåfer pus', èt sès rès dum'nont broûlants. Lu pôve voyèdjeû s'mèta à souwer èt rassouwer. Avou s'neûre cote, èco !
Vo l'là don ki n'pola pus sopwèrter l'tchåleûr du c'mådit osté. Ku f'za-t-i ? I hina à l'tére su mousmint, su rassètcha l'vizèdge, bova on p'tit côp, pwis rutapa so su splale lu cape ki l'aveût si tant d'zoûrni. Èt i s'rumèta è vôye.
Nos deûs compéres d'vont tîrer lès conclujons : lu bîhe d'va ruk'nohe ku l'solo aveût gangnî.
Li tecse a stî eredjistré dins l’ prononçaedje di ci scrijhaedje ci k’ est rschoûtåve ciddé.