Nos discrijhans cial on djåzant atlasse éndjolike (adresse del waibe : https://atlas.limsi.fr/?tab=be) ki mostere ene mape eterovrante del Beldjike. On î pout clitchî so ene swessantinne do nos d’ veye u d’ viyaedje k’ î sont studyîs, ey adon schoûter et lére li minme paskeye dins les lingaedjes do payis (walons et tîxhons). Dj’ avans eredjistré li fåve da Ezope « li bijhe eyet l’ solea » (siervowe dispu on gros sieke pal Soce Fonetike Eternåcionåle po-z enimådjî toplin des lingaedjes totavå l’ Daegne) plamor di mete sol djivå el ritchesse do walon et des ôtes lingaedjes coinreces del Beldjike. Dins ç’ papî ci, nos corwaitans sacwants dnêyes di nos rcweraedjes, raloyeyes ås kesses et messes (margayiveuses) di l’ ortografeye des mancîs lingaedjes.
Racourti d' èn ovraedje e francès prezinté al bate di studias del Kiminålté Walonreye-Brussele (ki l' tecse e-n etir est vaici)