Li viye covresse
C’ est ene boune viye noere loyminoye
Ki n’ vike vraiymint pus k’ po viker ;
Ele ratind bråvmint po dhoter
Ki l’ pepeye ou l’ blanc-må l’ rascoye.
Totavå l’ coû wice k’ ele s’ anoye
On voet s’ lådje adrî s’ kiwinner
C’ est ene boune viye noere loyminoye
Ki n’ vike vraiymint pus k’ po viker ;
Des djonnès poyetes, des cånoyes
Si mokèt bén d’ el vey roter.
Ele tapèt des lawes so ses voyes,
Mins nosse covresse passe sins schoûter,
Ca c’ est ene boune viye loyminoye.